Opinion
Immersion
La mobilisacion dau 10 d’octòbre per las lengas regionalas amb Per que Viscan Nòstras Lengas fuguèt pron capitada, amb l’occitan per un còp vesedor, e utila. Utila sulpic que se ganhèt la dubertura d’un novèl siti d’immersion dins una escòla publica dau pais basque.
Tornamai se ne parlèt au Senat la setmana passada dins la discutida de la lèi Molac. Fin finala votèron a la barba dau sinistre Blanquer un amendament per la reconèisser coma metòde valide dins l’ensenhament.
L’immersion cadun n’a ausit parlar per las lengas estrangièras e compren d’ausida çò que significa.Per aprene e parlar una lenga lo mièlhs es d’anar dins lo pais per se trapar dins un banh societal de lenga.
Per las lengas regionalas, marginalisadas dempuèi segles dins lor territòri e tostemps en regime d’interdiccion, s’es inventat un sistèma educatiu immersiu portat per Calandreta per l’occitan.
Es que la vida, lo processus normau per aprene una lenga, es pas l’ensenhament, mas d’en primièr l’usatge. La lenga es parlada a l’enfant que vai aprene per imitacion.
E dins lo metèis temps la lenga es ensenhaira: “Mèfi pichon, aquò crama, es de fuòc!”
E quora l’enfant sap parlar apren a legir, a escriure, puèi totas las causas curiosas que fan una lenga. Que i a de verbes, de subjonctius emai una concordança dels temps que, de segles durant, lo monde an desconeguda en la faire perfiechament.
Antau per aprene una lenga çò primièr es l’us.
Es aquò que refusa l’Estat quora refusa l’immersion a las lengas regionalas.
Tornamai se ne parlèt au Senat la setmana passada dins la discutida de la lèi Molac. Fin finala votèron a la barba dau sinistre Blanquer un amendament per la reconèisser coma metòde valide dins l’ensenhament.
L’immersion cadun n’a ausit parlar per las lengas estrangièras e compren d’ausida çò que significa.Per aprene e parlar una lenga lo mièlhs es d’anar dins lo pais per se trapar dins un banh societal de lenga.
Per las lengas regionalas, marginalisadas dempuèi segles dins lor territòri e tostemps en regime d’interdiccion, s’es inventat un sistèma educatiu immersiu portat per Calandreta per l’occitan.
Es que la vida, lo processus normau per aprene una lenga, es pas l’ensenhament, mas d’en primièr l’usatge. La lenga es parlada a l’enfant que vai aprene per imitacion.
E dins lo metèis temps la lenga es ensenhaira: “Mèfi pichon, aquò crama, es de fuòc!”
E quora l’enfant sap parlar apren a legir, a escriure, puèi totas las causas curiosas que fan una lenga. Que i a de verbes, de subjonctius emai una concordança dels temps que, de segles durant, lo monde an desconeguda en la faire perfiechament.
Antau per aprene una lenga çò primièr es l’us.
Es aquò que refusa l’Estat quora refusa l’immersion a las lengas regionalas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo debat au Senat a efectivament permés de restablir d'articles prevists dins lo texte iniciau, amb un consensus larg. Fasia plaser de veire lo morre de Blanquer que son discors inaugurau clafit de messonjas autosatisfachas a convençut que los playmobils LREM. Notem l'amendament n° 16 (Muller-Bronn) que permetria d'espanir l'imersiu tanben dins lo public ont es permés qu'a titol experimentau o en Corsega. Se pòt totun pensar (e crénher) qu'au retorn en segonda lectura a l'Assemblaa, lo Blanquer e los playmobils locaux velharèn a escafar tot çò que lo Senat an votat.
#2
vertat qu'es plan arrugat lo rastolh de l'immersion lol
"Immersion" dins una mar d'a fons assecada ? Ne vai totjorn atal de l'auto-satisfaccion ninoia de l'occitanisme d'uèi que nada en plen virtual. Tsss...
Cal pas aver sompat dins la gandòla per se trachar que l’us de restringit es passat a escàs de quant en quant, e que ven e vendràs tras que malaisit de porgir e de far proferta d’un us jornadièr de la lenga nòstra
pr’aquò l’us es quicòm de màger, per nosaus los vièlhs es atal d’en primièr que l’avèm encapada la lenga, n’en cal aver consciença e s’amagar pas la realitat coma o far l’occitanisme, dins las annadas 70 aquò deviá èsser l’escola la clau que fariá mirandas, ambe lo temps sabèm totis qu’es sonqu’ una pichona partida de la clau que de las cadenas nos auriá desliurats. L’us n’es una autra pichona partida. Atal l’aisina es pas aisida, son d’autras partidas se trobar e d’apondre a la clau.
Pron siá de la clau !
Cap al somsiment se cal pas soncir !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari