Opinion
Lo Trumpeta colhon!
Soi segur que coneissètz aquel jòc, lo Trumpeta colhon. Es un jòc que se practica mai que mai als Estats-Units mas, pas solament!
Per jogar al Trumpeta Colhon cal un tropèl de fedas e d’arets. De totas menas: de blancs coma de negres. Doncas cal un tropelàs e dos pargues; per exemple: lo de Donald a drecha e lo de Jò a senèstra. Cada feda o boc dèu causir son pargue. A la fin del jòc, lo pargue lo mai plen a ganhat, a elegit son pastre.
Un mes abans la debuta del Trumpeta colhon, Trumpeta balha un còp de trompeta:
Lo jorn J, lo matin, lo Trumpeta colhon debuta. Cada feda, cada aret espèra per causir son pargue. Lo pargue Donald se confla de fedas e d’arets blancs o negres. Lo pargue Jò se confla de fedetas e d’aretons negres o blancs.
A miègjorn, la mitat del tropèl a ja causit son pargue. Aquel del Jò es mai confle que lo del Donald. Del còp Trumpeta balha un còp de trompeta:
Aquò empacha pas lo tropèl de contunhar de jogar. Caduna e cadun causís son pargue. Lo vèspre la partida de Trumpeta colhon es just acabada que ja Trumpeta trompeteja:
Comptar de fedas e d’arets es pas totjorn aisit. E totas las fedas e totes los arets del pargue Jò an paur de pas èsser comptats. Alara, lo pargue Jò se bota a esquilar, esquila qu’esquilaràs: “Chaque voix compte. Comptez, comptez toutes les voix!” Lo pargue Donald guella: “Arrêtez de compter! On a gagné!”
Aprèp aver comptat de jorns e de jorns, lo pargue del Jò a capitat. Lo Jò a ganhat! Esquila, esquilon, esquiletas campanejan. Jò es ara lo pastre de tot lo tropèl!
De colèra, lo pastre del pargue Donald, Trumpeta tuïta dins sa trompeta:
E per el, es paraula d’evangèli!
Per jogar al Trumpeta Colhon cal un tropèl de fedas e d’arets. De totas menas: de blancs coma de negres. Doncas cal un tropelàs e dos pargues; per exemple: lo de Donald a drecha e lo de Jò a senèstra. Cada feda o boc dèu causir son pargue. A la fin del jòc, lo pargue lo mai plen a ganhat, a elegit son pastre.
Un mes abans la debuta del Trumpeta colhon, Trumpeta balha un còp de trompeta:
“— Van pas jogar lo jòc. Anatz veire van trichar! De tot biais, ieu ai ja ganhat!”
Lo jorn J, lo matin, lo Trumpeta colhon debuta. Cada feda, cada aret espèra per causir son pargue. Lo pargue Donald se confla de fedas e d’arets blancs o negres. Lo pargue Jò se confla de fedetas e d’aretons negres o blancs.
A miègjorn, la mitat del tropèl a ja causit son pargue. Aquel del Jò es mai confle que lo del Donald. Del còp Trumpeta balha un còp de trompeta:
“— Arrestatz de comptar! Arrestatz de comptar! De tot biais, o vos dise, ieu ai ja ganhat!”
Aquò empacha pas lo tropèl de contunhar de jogar. Caduna e cadun causís son pargue. Lo vèspre la partida de Trumpeta colhon es just acabada que ja Trumpeta trompeteja:
“— An pas jogat lo jòc. An trichat! Ieu ai ganhat!”
Comptar de fedas e d’arets es pas totjorn aisit. E totas las fedas e totes los arets del pargue Jò an paur de pas èsser comptats. Alara, lo pargue Jò se bota a esquilar, esquila qu’esquilaràs: “Chaque voix compte. Comptez, comptez toutes les voix!” Lo pargue Donald guella: “Arrêtez de compter! On a gagné!”
Aprèp aver comptat de jorns e de jorns, lo pargue del Jò a capitat. Lo Jò a ganhat! Esquila, esquilon, esquiletas campanejan. Jò es ara lo pastre de tot lo tropèl!
De colèra, lo pastre del pargue Donald, Trumpeta tuïta dins sa trompeta:
“— An pas jogat lo jòc. An trichat! De tot biais ieu ai ganhat!”
E per el, es paraula d’evangèli!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1
iò ! aquò rai i soi pas anat ongan mas i son un avoncle e quatre cosins mèu. (New-york, Florida, Arizona)
Vertat las causas son pas claras e es pas possible de far comparazon ambe fransa vist que la causas son plan diferentas.
Las diferencias magèras portan sus :
1- de maquinas per votar, ambe d'unis estats que n'en vòlon pas de tant qu'es possible la manipòlas.
2- Los vòtas per correspondencia (enenebits en fransa tre 1975 suspechós de manipòlas de larga escala.)
3- dins gaireben 1 terç dels estats i a cap mestièr de carta d'identitat, un factura de telefona sufís.
4-dins 1 terç dels estats sufís de desclarar de qual siás per votar.
5- cada estat vèire gaireben cada comtee a sas reglas per votar
un ligam qu'explica un briu:
https://share.america.gov/fr/faut-il-une-piece-didentite-pour-voter-aux-usa-cadepend-ou-vous-habitez/
I a dau monde que farian mielhs de boifar devant lòrs pòrtas pus leu que de parlar de causas que coneissan pas. Qui dins Jornalet es anat en America menat una vertardiera enquesti?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari