D’istorians dison que l’istòria de Catarina Segurana es una legenda.
 
En lo sèdi de 1543, los turcos avian fach una bèrca en lo barri pròche dau bastion Cinc caires, francizat aüra en Cincaire (lo Pentagòne niçard). Lo 15 d’aost an atacat. Los que avian de defendre la vila èran en chastèl. Eran de fremas qu’èran sus lo barri e Catarina ensuquèt un pòrtabandiera turc embe sa massòla de bugadiera e prenguèt sa bandiera. Alora los turcos se’n son anats. Si ditz que Catarina a monstrat son cuu e si panèt embe la bandiera dau profèta.
 
Aquò a ben poscut si faire, mas es finda simbolic: los turcos èran preses per de diauls e los diauls n’aguent pas de sèxe fugisson quora n’en veson un (es de saupre per los marrits pantais!).
 
Los tèxtos dison que li èran de fremas en Cinc Caires.
 
Li èra ja una legenda d’aparicion de la Madòna per lo miracle.
 
Los Turcs an degut refaire una bandiera dau profèta quarques annaas mai tardi, es en Topkapi.
 
Seguran es un nom vertadier de Nissa e lo nom lo mai probable de son ome es Jò (grafia toscanizanta Gio) Seguran perqué sa felena es una Catarina e que soventas fes si dòna lo nom de la gran a la felena. E las datas de Jò van ben per lo sèdi.
 
E après l’assaut mancat, los turcs son partits fins a Suspèr. E lo monde dau Chastèl de Nissa rapitèt la vila bassa e barrèt las pòrtas d’aquela fortaressa!