Opinion
L’occitan au paradís
Per un matin freg de febrièr de 1858 la Verge Maria apareguèt a la jove Maria Bernada Sobirós que fasiá de lenha. Sa familha èra de la paurilha la mai paura, e coma sabiá ges de francés, la “Dòna” li parlèt en sa lenga d’òc. Foguèt antau per las 18 aparicions.
“Que soi era Immaculada Concepcion” diguèt la Verge, en bon gascon pirenenc.
Atal sabèm dempuèi que l’occitan se parla au Paradís çò qu’es un grand reconfòrt. E per aquò ges de contestacion possibla. Lo Papa qu’es infalhible, en canonizar la Bernadeta, sacralizèt e certifiquèt las aparicions e la lenga d’aquestas.
Pasmens dins tot aquò i a quicòm que tafura.
La Maire de Dieu, res qu’aquò, prenguèt pena de venir sus tèrra e per quau vèire, una paurona dins un endrech perdut. E li parlèt sa lenga mespresada, un patés pels pòrcs, e pas simplament d’un adieu a la debuta coma fan los politics,mas la parlèt de longa de totas las aparicions.
Cossí se fa que la Glèisa Santa aja pas considerat que i aviá aquí un ensenhament?
Qu’aquesta divina persona, la mai invocada,la mai pregada de la religion, mostrava atau çò que caliá faire?
Coma se fa qu’aprèp l’Exemple vengut dau Cèu ajan pas causit, avesques e clergues, d’èstre del costat del paurum e d’emplegar l’occitan pertot en país d’oc, de l’ensenhar dins sas escòlas?
De marridas lengas dison qu’es la pròva bela que la Glèisa i cresiá gaire a las aparicions e que trapèt atau un estèc per butar mai de devocion ninòia.
Mas son de marridas lengas, segur.
“Que soi era Immaculada Concepcion” diguèt la Verge, en bon gascon pirenenc.
Atal sabèm dempuèi que l’occitan se parla au Paradís çò qu’es un grand reconfòrt. E per aquò ges de contestacion possibla. Lo Papa qu’es infalhible, en canonizar la Bernadeta, sacralizèt e certifiquèt las aparicions e la lenga d’aquestas.
Pasmens dins tot aquò i a quicòm que tafura.
La Maire de Dieu, res qu’aquò, prenguèt pena de venir sus tèrra e per quau vèire, una paurona dins un endrech perdut. E li parlèt sa lenga mespresada, un patés pels pòrcs, e pas simplament d’un adieu a la debuta coma fan los politics,mas la parlèt de longa de totas las aparicions.
Cossí se fa que la Glèisa Santa aja pas considerat que i aviá aquí un ensenhament?
Qu’aquesta divina persona, la mai invocada,la mai pregada de la religion, mostrava atau çò que caliá faire?
Coma se fa qu’aprèp l’Exemple vengut dau Cèu ajan pas causit, avesques e clergues, d’èstre del costat del paurum e d’emplegar l’occitan pertot en país d’oc, de l’ensenhar dins sas escòlas?
De marridas lengas dison qu’es la pròva bela que la Glèisa i cresiá gaire a las aparicions e que trapèt atau un estèc per butar mai de devocion ninòia.
Mas son de marridas lengas, segur.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
D’aquel temps dins unas escòlas catolicas de Bretanha les religiosas disián als enfants : « Quand parlatz breton, fasètz plorar la santa Verge » .
Segon çò que sabi de l'istòria de las apareishudas de Lordes, la Gleisa a la debuta èra en contra mes a cambviat de sicut au cap d'un momenton.
Coma se parla de religion e de la santa virgina, que parlava occitan, doblidem pas qu’auèi dintram dins lo caresme fins al tres d’abrial (me calguèc agachar çaquelà).
Es un sàssic ont me rementèron los sovenirs de quand èri pichon e ont se minjava aquelses cocons (bescuèch pels occitanistas) que la beleta nos fasiá, lo punt final èra de se passetjar lo dimenge dels rampalms amb’un brondel de laurièr ont aviam penchat qualques gimbeletas. N’ai enquèra lo tast dins la boca. Mainatges, nos congostaviam.
Trobaretz la receta sus lo malhum : Gimbelettes d’Albi.
Veiretz las gimbletas parlan occitan tanben.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari