Opinion
Malaterra mai
Aviáu presentat “Malaterra” au moment de sa promiera difusien sus França 3 Mediterranèa. Aqueu film que lei dialògues son en provençau e en francés es, despuèi, estat premiat au “Festival internacionau de televisien de Sant Tropetz” e a agut leis onors de França 3 nacionau lo 11 novembre.... a mièjanuèch. Lo “prime- time” per un film en lenga regionala serà per lo còup venent! Lei criticas son estadas, a bòn drech anar, elogiosas per la màger part.
Lo film de Felipe Carrese “Malaterra” qu’aviam presentat dins nòstre jornau dau tèmps de sa promiera difusien sus France 3, a tornat sus leis escrans provençaus, en episòdis, dins Vaquí. La difusien era acompanhada d’entervistas d’istorians, de linguistas e de testimònis d’aquelei que participeron au filmatge. “Malaterra” siguèt seleccionat au “Festenau internacionau de Televisien de Sant Tropetz” e aguet lo “Prèmi especiau de la Jurada” emb una capelada a Rogier Pasturel, l’actor principau, en prima. Autra satisfaccien per seis autors, l'11 de novembre d’après vegueriam “Malaterra” sus l’antena de France 3 national. Era ailàs a mieja nuech.. sarà pas deman qu’un film en lenga dicha regionala aurà sa plaça dins lo “prime time”, après lei reclamas que seguisson lo J.T.
Faguèri mon enquista en cò de Provençaus que vegueron “Malaterra”. Lo juec deis actors, Rogier Pasturel, lei joines Estèla Pessemesse e Laurenç Revest, la qualitat dau texte e deis images siguèron saludats.
Doei repròchis, pasmens, venguèron pron sovent dins lei comentaris. “Per un còup que si vira un film en occitan, nos an mostrat de personatges arreirats, arquetipes de la degenerecència e dau vici. Un còup de mai lei gavòts passan per d’ensucats e de tòtis (a mai lo film sigue en provençau e non en vivaroaupenc de la valada de Jabron ent es virat en exterior). De Parisencs aurián fach aquò, auriam creidat au racisme!”
Segonda critica “Una bastida aupenca sensa un escaboton de “feas” vò de cabras, aquèla empega! Fau estre Marsilhés per inventar aquò... e puei aquèu joine de detz e uech ans que passa sa santa jornada emb son avionet a ges de sens.. d’aquèu temps lei joines macavon, badavon pas”.
A mon ideia, lo promier repròchi es gaire justificat. Lei telespectators an de simpatia per lei bastidans de “Malaterra” taus que son mostrats. Siáu mai d’ acòrdi emb la segonda critica. Mancavon muu, cavau, quauquei fedas, anoges e tardons, quatre galinas... Aquò es pasmens parpèla d’agaça. La produccien aviá per prioritat d’acabar lo film maugrat la manca de sòus.
Imatges del tornatge
Lo film de Felipe Carrese “Malaterra” qu’aviam presentat dins nòstre jornau dau tèmps de sa promiera difusien sus France 3, a tornat sus leis escrans provençaus, en episòdis, dins Vaquí. La difusien era acompanhada d’entervistas d’istorians, de linguistas e de testimònis d’aquelei que participeron au filmatge. “Malaterra” siguèt seleccionat au “Festenau internacionau de Televisien de Sant Tropetz” e aguet lo “Prèmi especiau de la Jurada” emb una capelada a Rogier Pasturel, l’actor principau, en prima. Autra satisfaccien per seis autors, l'11 de novembre d’après vegueriam “Malaterra” sus l’antena de France 3 national. Era ailàs a mieja nuech.. sarà pas deman qu’un film en lenga dicha regionala aurà sa plaça dins lo “prime time”, après lei reclamas que seguisson lo J.T.
Faguèri mon enquista en cò de Provençaus que vegueron “Malaterra”. Lo juec deis actors, Rogier Pasturel, lei joines Estèla Pessemesse e Laurenç Revest, la qualitat dau texte e deis images siguèron saludats.
Doei repròchis, pasmens, venguèron pron sovent dins lei comentaris. “Per un còup que si vira un film en occitan, nos an mostrat de personatges arreirats, arquetipes de la degenerecència e dau vici. Un còup de mai lei gavòts passan per d’ensucats e de tòtis (a mai lo film sigue en provençau e non en vivaroaupenc de la valada de Jabron ent es virat en exterior). De Parisencs aurián fach aquò, auriam creidat au racisme!”
Segonda critica “Una bastida aupenca sensa un escaboton de “feas” vò de cabras, aquèla empega! Fau estre Marsilhés per inventar aquò... e puei aquèu joine de detz e uech ans que passa sa santa jornada emb son avionet a ges de sens.. d’aquèu temps lei joines macavon, badavon pas”.
A mon ideia, lo promier repròchi es gaire justificat. Lei telespectators an de simpatia per lei bastidans de “Malaterra” taus que son mostrats. Siáu mai d’ acòrdi emb la segonda critica. Mancavon muu, cavau, quauquei fedas, anoges e tardons, quatre galinas... Aquò es pasmens parpèla d’agaça. La produccien aviá per prioritat d’acabar lo film maugrat la manca de sòus.
Imatges del tornatge
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Com professor d'occitan, que passi aqueste film a totas las meas classas de 3e e de licèu, çò qui hè que l'èi devut espiar un bon cincantenat de còps... E ne me'n lassi pas! N'avèvi pas jamei entenut aquestes repròches qui son interessants : per jo qu'ei ua ficcion e justament, l'abséncia de bèstias, que l'interpretavi meilèu com un signe de mei qu'aquesta bòrda ei disfonccionala e anormalament miserosa : tot qu'i pud a l'abandon , a la misèria e a la mort ; que participa a l'ambient estofant deu film...
lo repròche deus clichés suu monde de las campanhas ne sèi pas s'ei justificat mes per jo lo film qu'ei perfèit atau : qu'ei un film pessimista, si i avè personatges positius que seré un aute film.
Que's ditz sovent qu'ei aisit de citicar e mensh aisit de har... Mes a aqueste nivèu qu'ei sèi pas quant de còps mensh aisit de har un film tant escadut que de criticar lo resultat un còp hèit...
Mercés per aquestes detalhs sus l'istòria deu film, si n'avetz d'autes qu'ac legerèi tot dab plaser!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari