Opinion
Arroïnar l’actiu
L’avètz benlèu pas plan mesurat mas lo virus pertòca encara mai los avions que los umans.
Per l’umanitat es plan michant pels vielhs, mas pels autres es “a l’azard Bautezard”. Los avions eles cargan totes: tant los que vòlon que son clavats au sòu, coma los que son a fargar car la produccion n’es a la cala.
Dau còp la Ciutat Mondina (es lo pichòt nom de Tolosa, son escais), adoncas la Ciutat Mondina te vèi venir una crisi economica pebrada. Montèron una comission saberuda menada pel Joan Tirole per trapar cossí sortir de la marrana.
Cau precisar qu’aquel Tirole es dau gròs grun en economia, pensatz, un prèmi Nobel, es complicat de far mai. Aquel cenacle sortiguèt un programa e 11 proposicions per una estrategia economica.
Aquí, suspresa, espant: los elegits estabosits legisson que i a una proposicion que ditz “Jogar sus la natura e la cultura occitana”.
Es un eveniment! Non pas per çò qu’es dich que, pecaire, dempuèi decadas d’occitanistas va repeton (aqui salut a tu Robèrt Lafont).
L’eveniment son los que lo dison ara. Lo menaire es de l’economia ortodòxa,la seriosa e liberala, e la còla tota es de la meteissa farina. Enfin, enfin s’avisan que lenga e cultura occitanas los concernisson!
Es pasmens simplòt de vèire qu’una lenga, una cultura es patrimòni, es a dire l’actiu dau bilanç, çò que mesura la riquesa tant d’una entrepresa que d’un país. Arroinar l’actiu es un biais segur, un metòd infalhible de se roinar.
Aquel monde de l’economia seriosa caminan. Tant val tard que pas jamai!
Òi, lo progrès progrèssa e l’avenidor se sarra.
Per l’umanitat es plan michant pels vielhs, mas pels autres es “a l’azard Bautezard”. Los avions eles cargan totes: tant los que vòlon que son clavats au sòu, coma los que son a fargar car la produccion n’es a la cala.
Dau còp la Ciutat Mondina (es lo pichòt nom de Tolosa, son escais), adoncas la Ciutat Mondina te vèi venir una crisi economica pebrada. Montèron una comission saberuda menada pel Joan Tirole per trapar cossí sortir de la marrana.
Cau precisar qu’aquel Tirole es dau gròs grun en economia, pensatz, un prèmi Nobel, es complicat de far mai. Aquel cenacle sortiguèt un programa e 11 proposicions per una estrategia economica.
Aquí, suspresa, espant: los elegits estabosits legisson que i a una proposicion que ditz “Jogar sus la natura e la cultura occitana”.
Es un eveniment! Non pas per çò qu’es dich que, pecaire, dempuèi decadas d’occitanistas va repeton (aqui salut a tu Robèrt Lafont).
L’eveniment son los que lo dison ara. Lo menaire es de l’economia ortodòxa,la seriosa e liberala, e la còla tota es de la meteissa farina. Enfin, enfin s’avisan que lenga e cultura occitanas los concernisson!
Es pasmens simplòt de vèire qu’una lenga, una cultura es patrimòni, es a dire l’actiu dau bilanç, çò que mesura la riquesa tant d’una entrepresa que d’un país. Arroinar l’actiu es un biais segur, un metòd infalhible de se roinar.
Aquel monde de l’economia seriosa caminan. Tant val tard que pas jamai!
Òi, lo progrès progrèssa e l’avenidor se sarra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Simon de Montfòrt, es a una fancés d'o jogar. Pels faidits nos cal d'actors occitans e catalans, non pas de forastièrs exotics coma los qu'incarnavam los amerindians a la Burt Reynolds (per incarna Navarro Joe). Es a d'actors occitanofòns de jogar los ròtles occitans. E per aiçò, nos caldriá de realizators occitans o catalans, o eventualament italians, plan dins lo nòstre sentit cinematografic. Lo recapte ? Oblidètz pas lo rapòrt entre los romans del cicle arturian e la version "spaghetti", ironica e psicologica del meteis univèrs dins lo Roman de Jaufré. Lo cinema occitan seriá a mon sentit al cinema franco-american çò que lo western del grand Sergio Leonne es al western de John Ford.
Lo puy du Fou occitan?
L'an dejà en Provença, e pudís a maurassisme (o mistralo-pétainisme).
Ara, cal veire: qui vòl escriure una sèria-espectacle realizada per Tarantino, a la glòria de Ramon VII, dels catars-martirs del pur amor, e ont Simon de Montfort (interpretat per Christoph Waltz) seriá tant detestabla coma lo sieu personatge d'Ingloriós bastards?
Vese ben Brad Pitt en chivalièr faidit bad-ass botar lo cuòl a qualques francimands blondinets jos lo barri de Tolosa.
Lo rapòrt Tirole ditz (onzena proposicion) :
"Miser sur la nature et la culture occitane (via la mise en place d’un grand événement à rayonnement national, d’un grand musée thématique dédié au rugby ou à l’histoire de la région, sorte de Puy du Fou occitan)"
Qu'aquò s'acabe pas en fèsta de la salcissa...
Un eveniment nacional, dedicat a l'espòrt e al paìs ? Los JÒcs 2024.
N'avem a bodre ! Qual serià interessat per organizar aquò ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari