Opinion
Vèrb d’Estat
Pièyre Alexandre Anglade, «coordinator en carga de l’animacion de pòrta-paraula» del grope LREM a la Cramba, s’exprimissiá, a la ràdio, a prepaus de la modificacion de l’article 1 de la Constitucion, que i vòlon apondre: «França garantís la preservacion de l’environament e de la diversitat biologica e lucha contra lo desreglament climatic».
Coma la causida del vèrb «garantir» pel President sembla pas far l’unanimitat, lo deputat interrogat respondèt que tenián a emplegar un «vèrb d’accion», per plan marcar la siá volontat de se bolegar.
Al Guston que l’escotava, li tornèt çò que lor disiá lo regent dels vèrbs: se classificavan en vèrbs d’estat, pas que sièis o sèt, li semblava, èsser, paréisser, demorar..., e en vèrbs d’accion, totes los autres.
— Seriá estat malurós que ne’n trapèsson pas un! s’espetèt lo Guston.
Lo regent ajustava que un vèrb d’accion se podiá emplegar a la votz activa, lo subjècte fasent l’accion, òc ben, mas tanben a la votz passiva, dins lo cas que lo subjècte subissiá l’accion, e doncas dins aquel cas, qu’èra pas pus actiu, e que lo vèrb d’accion podiá aital descriure un estat.
Li tornava al Guston, que parlavan tanben del Vèrb al cataquisme. S’escriviá ambe una majuscula, lor disiá lo curat; designava la Paraula divenca, aquela Paraula que creèt, que per Diu, li sufisiá de dire per far.
Plan segur, sèm dins una Republica laïca, que lo nòstre President es pas, coma lo rei de l’ancian regime, lo representant de Diu sus tèrra, e que la siá paraula es pas pus un reson del Vèrb.
Mas nos poiriam demandar se, eiretièrs d’una cultura crestiana, a d’unes, lor ne demòra pas la pesada d’aquela concepcion de la fòrça del Vèrb, e se per eles, pensan pas que «dire» es «far» e que, coma lo del Paire Celèsta, lo Vèrb d’Estat es Vèrb d’accion.
Coma la causida del vèrb «garantir» pel President sembla pas far l’unanimitat, lo deputat interrogat respondèt que tenián a emplegar un «vèrb d’accion», per plan marcar la siá volontat de se bolegar.
Al Guston que l’escotava, li tornèt çò que lor disiá lo regent dels vèrbs: se classificavan en vèrbs d’estat, pas que sièis o sèt, li semblava, èsser, paréisser, demorar..., e en vèrbs d’accion, totes los autres.
— Seriá estat malurós que ne’n trapèsson pas un! s’espetèt lo Guston.
Lo regent ajustava que un vèrb d’accion se podiá emplegar a la votz activa, lo subjècte fasent l’accion, òc ben, mas tanben a la votz passiva, dins lo cas que lo subjècte subissiá l’accion, e doncas dins aquel cas, qu’èra pas pus actiu, e que lo vèrb d’accion podiá aital descriure un estat.
Li tornava al Guston, que parlavan tanben del Vèrb al cataquisme. S’escriviá ambe una majuscula, lor disiá lo curat; designava la Paraula divenca, aquela Paraula que creèt, que per Diu, li sufisiá de dire per far.
Plan segur, sèm dins una Republica laïca, que lo nòstre President es pas, coma lo rei de l’ancian regime, lo representant de Diu sus tèrra, e que la siá paraula es pas pus un reson del Vèrb.
Mas nos poiriam demandar se, eiretièrs d’una cultura crestiana, a d’unes, lor ne demòra pas la pesada d’aquela concepcion de la fòrça del Vèrb, e se per eles, pensan pas que «dire» es «far» e que, coma lo del Paire Celèsta, lo Vèrb d’Estat es Vèrb d’accion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sense levar res a las remarcas pertinentas de'N Bernat Bergé, remarcarai ieu, dos autres punts :
1) Qué pòt èsser, exactament, un "coordinator en carga de l’animacion de pòrta-paraula". S'ocupa benlèu sonque de los que pòrtan paraula, mentre que los autres an sonque de se calar ? E puèi, aqueles que, justament, la pòrta, aquela paraula, los cal reanimar ? Perqué aurián besonh d'un animator ? Benlèu qu'a fòrça de seguir un mariòl encravatat pretendent pensar a la lor plaça, se son perduda l'anma, justament, e d'aquí essent, son tombats inanimats ? E remarcarai tanben per reanimar totes aqueles desanimats, cal un coordinator, si que non, imagini que los reanimators devon reanimar d''un biais cap e tot desordonat, un pau coma se cada pòrta paraula s'anèsse metre a pensar puèi parlar d'esperel… Quina orror !!!
2) "França garantís la preservacion de l’environament e de la diversitat biologica e luta contra lo desreglament climatic" ? Mas lo mariòl non deu pas aver remarcat que per lutar contra lo desreglament climatic e per preservar l'environament e la diversitat biologica, cal lutar a trucs e patcs contra lo capitalisme internacional e promòure la descreissença. Entendii plan que lo texte en question aja qualques dificultats a passar…
En esperant, França garantís de lutar despietadosament contra la preservacion dels sieus espacis culturals eiretats e donc contra la diversitat culturala, en s'apiejant subre un supremacisme francés digne de las politicas mai racistas que sián. E subre aqureste punt, non i a pas grand monde a París per repotegar contre !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari