Opinion
Vidassa de la lenga
La vidassa es una trista vida de patiments. Es d’aquel mot d’òc que lo soldat Bidasse tira son nom.
L’actualitat balha una illustracion perfiècha de la vidassa de nòstra lenga e de sas collègas en malur d’aqueste país. Lo 25 de genièr lo ministèri cambièt los coeficients dels concors de professors de lengas regionalas (CAPES).
Causa estranha doas categorias. Primièira categoria, lo còrs: fins ara lo còrs comptava per 6,5 e lo francés per 5,5. Normau per recrutar de professors de còrs.
Cambiament ministeriau e escambi de posicions: lo còrs baissa a 5,5 e lo francés monta a 6,5.
Segonda categoria, las autras lengas e plan segur l’occitan. Per elas es mai regde. Lo francés puja de 5,5 a 7,5 e la lenga regionala tomba de 6,5 a 4,5. Atal la matèira principala de competéncia dels professors ven plan minoritària, aquò’s fulgurant d’intelligenci!
Au passatge vesèm que la Republica d’Egalitat,coma o ditz sa devisa, practica a l’aise la Discriminacion d’Estat.
L’Express questionèt lo ministèri e ne tirèt aquò: primièr “se fa parièr per las lengas estrangièras”. Grand regal de l’argument. Es plan conegut que lo nivèl prodigiós en lengas dels escolans franceses daissa la Planeta tota estabosida d’admiracion dabans aquel zenit frances de performanças pedagogicas. Vaqui doncas una bela e bona rason cargada d’avenidor de qualitat.
L’autra rason es la Constitucion que ditz “la lenga de la republica es lo francés”.
Alavetz perqué doncas ensenhar d’autras lengas? Amb lor engèni an trapada la solucion: las ensenhar mal.
Vesetz lo progrès progrèssa e l’avenir se sarra.
L’actualitat balha una illustracion perfiècha de la vidassa de nòstra lenga e de sas collègas en malur d’aqueste país. Lo 25 de genièr lo ministèri cambièt los coeficients dels concors de professors de lengas regionalas (CAPES).
Causa estranha doas categorias. Primièira categoria, lo còrs: fins ara lo còrs comptava per 6,5 e lo francés per 5,5. Normau per recrutar de professors de còrs.
Cambiament ministeriau e escambi de posicions: lo còrs baissa a 5,5 e lo francés monta a 6,5.
Segonda categoria, las autras lengas e plan segur l’occitan. Per elas es mai regde. Lo francés puja de 5,5 a 7,5 e la lenga regionala tomba de 6,5 a 4,5. Atal la matèira principala de competéncia dels professors ven plan minoritària, aquò’s fulgurant d’intelligenci!
Au passatge vesèm que la Republica d’Egalitat,coma o ditz sa devisa, practica a l’aise la Discriminacion d’Estat.
L’Express questionèt lo ministèri e ne tirèt aquò: primièr “se fa parièr per las lengas estrangièras”. Grand regal de l’argument. Es plan conegut que lo nivèl prodigiós en lengas dels escolans franceses daissa la Planeta tota estabosida d’admiracion dabans aquel zenit frances de performanças pedagogicas. Vaqui doncas una bela e bona rason cargada d’avenidor de qualitat.
L’autra rason es la Constitucion que ditz “la lenga de la republica es lo francés”.
Alavetz perqué doncas ensenhar d’autras lengas? Amb lor engèni an trapada la solucion: las ensenhar mal.
Vesetz lo progrès progrèssa e l’avenir se sarra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Un estudiant pòt pas mai aver LVA alemand e LVB italian. Tot simplament. Es çò que denonciam dempuèi 3 ans (que dusca a Blanquer se podiá salvar aquesta illusion). Tre lo collègi l'anglés es obligatòri. Es d'alhors la segonda lenga obligatòri aprèp lo francés. La lenga de la Republica es lo francés. E l'anglés es la lenga de qué dins la Republica?
Cau finda mencionar una autra refòrma dins l'ensenhament superior: una licéncia porrà èstre validada unicament se l'estudiant a obtengut una certificacion en lenga ... anglesa! Qualificacion autament necessària per devenir professor(essa) d'occitan, de còrs, d'italian,... de matematicas, etc.
E lo paure tipe qu'a fach alemand en LVA e italian en LVB porrà plus passar una licéncia...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari