Opinion
Politica destrantalhada
Nautres occitans sabèm plan que l’istòria es sempre la dels venceires. Atau nos an fach dire patés de nòstra occitan que foguèt lenga de cort e qu’aprenguèt a Euròpa poesia e amor.
Se ditz, es l’istòria oficiala, que la 4ena republica èra condemnada a l’impoténcia pel vici sui genris dau parlamentarisme. Es una afirmacion curiosa estent qu’aquò marcha plan endacòm mai coma Inglaterra, Alemanha e autres.
Mas çò que clavava lo mai la 4ena es que lo principau partit, lo mai nombrós e organizat, lo Partit Comunista, èra fòra jòc. Èra impossible que venguèsse au govèrnament emai el o voliá pas, e son tutor, l’URSS, encara mens.
Las aliganças se limitavan a l’eleccion de deputats. Plan sovent de majoritats teoricas d’esquèrra. Mas sens lo principau partit, aliganças e govèrns èran copadisses per definicion.
La 5ena pleguèt lo parlament aus òrdres dau govèrn, pensatz que nòstras assembladas pòdon pas solament decidir de lor òrdre dau jorn, de çò que van discutir. Mas ara la 5ena es curiosament ratrapada pel metèis fenomèn que la 4ena.
Lo principau partit dau país, lo FN vengut ara Rassemblament Nacional, qu’es refusat de govèrnament per totis, preempta dempuèi d’annadas una plaça de finalista a l’eleccion màger dau sistèma, la presidenciala. Tot se jòga sus un sol vòte, un sol torn, e mecanicament i a pas mai de vertadièira majoritat presidenciala.
Per se ne sortir los partits, americanolatres bestiòts, farguèron de primàrias. Remèdi calamitós que los ruinèt en guèrras internas ferotjas.
Seriá puslèu utile de meditar cossí la mecanica de nòstras politicas capitèt que tornarmai lo principau partit siá fòra jòc e qu’aquò destrantalha d’en plen la vida politica.
Utile tanben de meditar qu’es tornamai lo partit que recampa lo mai çò qu’apelam lo vòte popular.
Se ditz, es l’istòria oficiala, que la 4ena republica èra condemnada a l’impoténcia pel vici sui genris dau parlamentarisme. Es una afirmacion curiosa estent qu’aquò marcha plan endacòm mai coma Inglaterra, Alemanha e autres.
Mas çò que clavava lo mai la 4ena es que lo principau partit, lo mai nombrós e organizat, lo Partit Comunista, èra fòra jòc. Èra impossible que venguèsse au govèrnament emai el o voliá pas, e son tutor, l’URSS, encara mens.
Las aliganças se limitavan a l’eleccion de deputats. Plan sovent de majoritats teoricas d’esquèrra. Mas sens lo principau partit, aliganças e govèrns èran copadisses per definicion.
La 5ena pleguèt lo parlament aus òrdres dau govèrn, pensatz que nòstras assembladas pòdon pas solament decidir de lor òrdre dau jorn, de çò que van discutir. Mas ara la 5ena es curiosament ratrapada pel metèis fenomèn que la 4ena.
Lo principau partit dau país, lo FN vengut ara Rassemblament Nacional, qu’es refusat de govèrnament per totis, preempta dempuèi d’annadas una plaça de finalista a l’eleccion màger dau sistèma, la presidenciala. Tot se jòga sus un sol vòte, un sol torn, e mecanicament i a pas mai de vertadièira majoritat presidenciala.
Per se ne sortir los partits, americanolatres bestiòts, farguèron de primàrias. Remèdi calamitós que los ruinèt en guèrras internas ferotjas.
Seriá puslèu utile de meditar cossí la mecanica de nòstras politicas capitèt que tornarmai lo principau partit siá fòra jòc e qu’aquò destrantalha d’en plen la vida politica.
Utile tanben de meditar qu’es tornamai lo partit que recampa lo mai çò qu’apelam lo vòte popular.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Per se ne sortir los partits, americanolatres bestiòts, farguèron de primàrias. Remèdi calamitós que los ruinèt en guèrras internas ferotjas." Calamitós, òc-ben, e a quin punt : lo qu'èra arribat darrièr a las primàrias socialistas, es aqueste arlèri dreitista que lo nos causiguèt per primièr ministre lo darrièr president socialista de dreita — sabètz, lo mariòl que nos sortiguèt Macron del sieu capèl de magician de farlabica…
Meditam...meditam...
Si l'òm compres pas que la politica es marcada per la dominacion de los que que son au -dessus daus estas, daus partits politics alaidonc serem tojorn de las auvelhas que tala un don quichòta se batian contre los molins a vent.
Per gardar las auvelhas chau un chen. Lo chen es lo militari, lo politic, l'ingenior qu'arriba a ren si es pas abilitat e corrompu per los poderos.
Lo temps passa e aura quò es lo chen que se revòlta. Podem veire tots los dirigeants qu'an o que van cambiar dins tots los pais, sens parlar de los que son remplaçats per un clòne o un sosie coma lo pape François..
Meditam...meditam...
Si l'òm compres pas que la politica es marcada per la dominacion de los que que son au -dessus daus estas, daus partits politics alaidonc serem tojorn de las auvelhas que tala un don quichòta se batian contre los molins a vent.
Per gardar las auvelhas chau un chen. Lo chen es lo militari, lo politic, l'ingenior qu'arriba a ren si es pas abilitat e corrompu per los poderos.
Lo temps passa e aura quò es lo chen que se revòlta. Podem veire tots los dirigeants qu'an o que van cambiar dins tots los pais, sens parlar de los que son remplaçats per un clòne o un sosie coma lo pape François..
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari