“I a Mario! I a Mario”. Aquel crit empliguèt las qualques charrieras dau vilatge quora un minòt avia vist sus lo Conh (2 kms a vòl d’aigla, 5 per lo chamin) la veitura dau servici. Alora tota una chorma s’encalava sigue per la Paran sigue per lo chamin de la gleisa per córrer darrier la veitura los darniers 500 o 200 mètres. E parier quora menava de gents o de merces en Guilhermes.

Li era en aquel temps qu’una veitura en Casternòu. E pas tots los jorns! Mas passavan qualques DC3 pi SuperConstelations chaa jorn. Aüra son qualques veituras chaa jorn e un avion chaa 5 minutas. Mi remembro de la (marca) Prairie de Mario. Avia tanben una Ford T en una remesa qu’avia laissaa l’armaa après la dròla de guèrra. Quora jogaviam emb sas veituras, ne’n corava sus, crient en lenga o en pimontés d’Alexandria. Es benlèu per aquò que pensavo que “a tot eira” (aüra)si disia “a tot aira”.

Ma maire escriguèt qu’avia pres lo “petit service” en 1936.
 
Après Mario, sao pas cu faguèt lo servici de transpòrts.
 

(De seguir)