Degun mi ditz: “ti crèsi!”.
“Siás pas un pauc tòti?”
Coma un mat mi fisi,
sus jornalet lo canti.
 
Aièr lo trabalh,
ancuei la secu,
aürosament qu’en pantais,
ai pas tot perdut.
 
Una frema dau país,
coma lo soleu m’esblaugís.
Companhs de galèra,
lo betum es cauva fèra.
 
Siáu coma un aucèu de gàbia,
un robòt qu’embarra la ràbia,
l’aubre sus lo trepador n’a pron,
que lei cans sus sei pès li cagon.
 
Caminar, pensar, tot plantar,
per far florir e posquer alenar
sus Bòna Maire au temps clar,
e plus si laissar cremar.