Me n’aviso dau depart per la rentraa de l’escòla, a la fin de l’estiu li èra encara un molon de nèu sus las montanhas. Ai encara pres lo servici de transpòrt en 1964, e me sembla que Mario avia encara fach lo servici una desena d’annaas. Apres laissavo la veitura en Guilhermes per m’encalar en Nissa. Sao pas ben cu faguèt lo servici. Me sembla qu’era un mesteiran de’n Guilhermes.
 
Quora lo T. A. D., Transpòrt a la Demanda es estat mes en plaça, prenian lo servici emb Etienne en correspondença emb lo car.
 
Los politics n’avian promés los viatges a 1€ pi après a 1€50 en totes los Aups Marins. Mas se marcha ben per la metropòli: sio anat de mon barri en Nissa fins a Sant Martin de Lantosca emb un solet bilhet, per lo Val d’Entraunas es pas parier.
 
 Se la linha de bus es pas drecha chal pagar un bilhet per anar en l’arrèst dau bus, un per se montar en Guilhermes pi un de mai per si montar fins en Casternòu.  Pi un jorn Etienne ne’n diguèt que avia pus lo servici... Despí es vengut la galera.
 
(De seguir)