Ja era pas simple d’aver una reservacion per lo TAD. Chalia de temps per aver quauqu’un per vos menar. Proposavan d’arrèsts ont lo minibus poia pas li anar. Après es devengut ubuesc. Li es una linha virtuala d’Entraunas fins au Poget, lo dimercres mas passa pas en Casternòu. Poèm calar que lo dimars e lo dijòus. E quora lo car partia a 7 oras, lo servici partia de’n Casternòu a 7 oras. Pi lo car partet finalament a 30 e lo servici es estat reculat a 30 daval. Chal 20 minutas per s’encalar e i arribar! Li es qu’una maniera d’aver la correspondéncia: solament los dissabtas de fièra dabàs en Guilhermes! E quora ai demandat 30 minutas per crompar a manjar. L’avèm pas dich au menaire, ai degut me pressar un pauc de tròup. Donc se volètz venir en Casternòu per lo TAD, chal montar un segond dissabta dau mes e s’encalar lo mes d’après! A la debuta dau nòu TAD, era possible de passar de temps en Guilhermes. Aüra li es lo servici que lo matin en teoria, fins a miègjorn mas es jamai possible de montar apres de dètz oras e mieias o 11h, li es totjorn una reservacion en aquesta ora quora m’encalo! Urosament li es una dama de’n Bochanieras que fa la menairitz privaa despí l’annaa davans.