Opinion
Israèl, encara
L’idèia màgerment espandida de çò qu’aperam “lo conflicte israelopalestinian” e que s’agís d’un combat entre dus pòbles (Israelians e Palestinians) e duas religions (Jusius e Musulmans). Vesi pas l’ahar atau.
Dens cada part am los “cercaires de castanhas”, que podèm aperar mès simplament “los faucons” e tanben los “cercaires de patz”, de costuma enchafrats “las colomas”. Son aquò los dus camps vertadièrs que s’acaran. E naturalament, los faucons deus dus camps son aliats objectius. Cadun se neurís de l’agressivitat de l’aute e convenc son pòble qu’es eth la sola empara davant lo marrit enemic.
Es cent còps mès aisit de provocar la castanha que non pas manténguer la patz e la convivéncia. Lo jòc es inegau.
Atau Elir Barnavi, ancian ambassador d’Israèl en França, declara que “lo govèrn d’Israèl a interés a çò que lo Hamas demòre au poder”. L’autoritat palestiniana de Mahmod Abbas es botada de costat, e atau, pas besonh de tractar dambe era, se que non “cercar una solucion globala auré un prètz territoriau, ideologic e politic que Netaniahó es pas prèst de pagar”. Refusa las auhèrtas de mediacion d’Egipta e de l’ONU.
L’evacuacion forçada de familhas arabas de Jerusalem-èst, la barradura de la pòrta de Damas e la repression sus la mosquèa Al Aqsa au moment de l’Aïd el Fitr, la hèsta de fin deu Ramadan, son plan pròvas evidentas de çò que lo purmèr ministre deu Likod, que s’i escad pas de formar un govèrn, es pas a cercar la patz.
Deu son costat, Doctor Tawfiq Hamid, escrivan e universitari egipcian, ditz que l’enemic màger deus Palestinians es la corrupcion e lo fondamentalisme musulman, incarnat politicament peu Hamas. Demanda que s’estanque la poligamia, la pedofilia, l’esclavatge, la violéncia de cap a las hemnas e lo murtre deus apostats e deus omosexuaus.
Per astre, unas manifestacions pacifistas amassan a còps Jusius e Arabs coratjoses per carrèras o dens un espitau (Rambam de Haïfa, véser imatge), mes lor resson a pas ren de comun dambe los mòrts que s’apilan cada jorn.
Un còp dit que lo conflicte se debana entre faucons e colomas, cau díser tanben que los faucons d’un costat an mejans demesurats (tanques, aviacion) per rapòrt a los de l’aute costat, e que lo nombre de mòrts es de mau comparar, es a díser mès de 10 per 1.
Dens cada part am los “cercaires de castanhas”, que podèm aperar mès simplament “los faucons” e tanben los “cercaires de patz”, de costuma enchafrats “las colomas”. Son aquò los dus camps vertadièrs que s’acaran. E naturalament, los faucons deus dus camps son aliats objectius. Cadun se neurís de l’agressivitat de l’aute e convenc son pòble qu’es eth la sola empara davant lo marrit enemic.
Es cent còps mès aisit de provocar la castanha que non pas manténguer la patz e la convivéncia. Lo jòc es inegau.
Atau Elir Barnavi, ancian ambassador d’Israèl en França, declara que “lo govèrn d’Israèl a interés a çò que lo Hamas demòre au poder”. L’autoritat palestiniana de Mahmod Abbas es botada de costat, e atau, pas besonh de tractar dambe era, se que non “cercar una solucion globala auré un prètz territoriau, ideologic e politic que Netaniahó es pas prèst de pagar”. Refusa las auhèrtas de mediacion d’Egipta e de l’ONU.
L’evacuacion forçada de familhas arabas de Jerusalem-èst, la barradura de la pòrta de Damas e la repression sus la mosquèa Al Aqsa au moment de l’Aïd el Fitr, la hèsta de fin deu Ramadan, son plan pròvas evidentas de çò que lo purmèr ministre deu Likod, que s’i escad pas de formar un govèrn, es pas a cercar la patz.
Deu son costat, Doctor Tawfiq Hamid, escrivan e universitari egipcian, ditz que l’enemic màger deus Palestinians es la corrupcion e lo fondamentalisme musulman, incarnat politicament peu Hamas. Demanda que s’estanque la poligamia, la pedofilia, l’esclavatge, la violéncia de cap a las hemnas e lo murtre deus apostats e deus omosexuaus.
Per astre, unas manifestacions pacifistas amassan a còps Jusius e Arabs coratjoses per carrèras o dens un espitau (Rambam de Haïfa, véser imatge), mes lor resson a pas ren de comun dambe los mòrts que s’apilan cada jorn.
Un còp dit que lo conflicte se debana entre faucons e colomas, cau díser tanben que los faucons d’un costat an mejans demesurats (tanques, aviacion) per rapòrt a los de l’aute costat, e que lo nombre de mòrts es de mau comparar, es a díser mès de 10 per 1.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quan un poble és atacat amb missils insdiscriminadament damunt la població civil, té lo dret e era obligació era defensarsa.
Mercé de nos far ausir un autre resson que non pas lo de la màger part dels mèdias. Ne demòra pasmens qu'un país n'ocupa illegalament un autre e fa senhorejar un regim d'apartheid insuportable. Que los representants palestinians sián pas d'acòrdi càmbia pas res. D'alhors l'unitat del pòble palestinian s'es realizada lo 18 de mai dins la grèva generala dels Palestinians de las vilas d'Israël. França e UE se deurián bolegar mai e se contentar pas solament de remarcas cortesas cap al govèrn israelian.
Qu'avetz rason: https://www.haaretz.com/israel-news/gaza-flare-up-netanyahu-and-hamas-cooperation-between-longtime-partners-1.9810035
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari