Opinion
Quarques noms d’aicí, en Gavotina de la Contea
Lai valaas dai Palhons
Ipotèsis per lo quartier dal “Gheit” ou “Gheït” (amb’al trema) a Còntes.
Situat en imediata riba drecha dal Palhon, cal passar lo puònt, après lo vilatge, entre li quartiers “Lo Varet” (le Varet), Lai Plantaas” (les Plantaus) e Li Pastres (Les Pastres).
“Gheit” es un nom de luec (toponime) e segon li cases un nom de persona (patronime).
Es una toscanisacion grafica de l’occitan vivaroalpin “gueit” -”gh” per “gu”-, causa correnta dins l’anciana Contea de Nissa per ben de noms de luecs (“dreccia” per “drecha”, ecc.).
Dins la forma “gueit” se retròba l’element “ei” tipic de l’alpin dins aquela zòna, coma dins lo nom dal quartier de Casternòu “lo Preit” (lo pichin prat), ò li noms “eira, fleita, meir, maleirós, reim” (“maintenant, flûte, mûr, malheureux, raisin” en francés). En occitan niçard es: “lo Pradet”, “aüra, flaüta, madur, mal(a)ürós, rasim”, en provençal coma en lengadocian es “lo Pradet”, “ara, fluta, madur, malurós, rasim”.
L’equivalent de l’occitan alpin “lo gueit” en occitan niçard es “la gàida”, en occitan provençal es “la gacha, l’agachon (verb agachar)” en occitan lengadocian (de l’oest) es “lo gait (verb gaitar)”, en occitan gascon es “eth goeit, lo gueit, era guèita (verb goeitar)”. Ven dal francic (lenga germànica) *wahtôn “vigilar” (en inglés “to wait”).
Aquel nom es d’aitant mai probable que lo nom dal pichin luec situat a costat es “La Torre” (escrich ancin en grafia occitana ben conservaa) la “tour” en francés.
Ipotèsis per lo quartier dal “Gheit” ou “Gheït” (amb’al trema) a Còntes.
Situat en imediata riba drecha dal Palhon, cal passar lo puònt, après lo vilatge, entre li quartiers “Lo Varet” (le Varet), Lai Plantaas” (les Plantaus) e Li Pastres (Les Pastres).
“Gheit” es un nom de luec (toponime) e segon li cases un nom de persona (patronime).
Es una toscanisacion grafica de l’occitan vivaroalpin “gueit” -”gh” per “gu”-, causa correnta dins l’anciana Contea de Nissa per ben de noms de luecs (“dreccia” per “drecha”, ecc.).
Dins la forma “gueit” se retròba l’element “ei” tipic de l’alpin dins aquela zòna, coma dins lo nom dal quartier de Casternòu “lo Preit” (lo pichin prat), ò li noms “eira, fleita, meir, maleirós, reim” (“maintenant, flûte, mûr, malheureux, raisin” en francés). En occitan niçard es: “lo Pradet”, “aüra, flaüta, madur, mal(a)ürós, rasim”, en provençal coma en lengadocian es “lo Pradet”, “ara, fluta, madur, malurós, rasim”.
— Se es un nom de luec, può desinhar un luec amb’una buòna vista, ben plaçat per gueitar, sus d’una cuòla, un colet ò una torre. Lo derivat es “gueitar”. A mai se digue pluslèu “agachar” en Palhons.
L’equivalent de l’occitan alpin “lo gueit” en occitan niçard es “la gàida”, en occitan provençal es “la gacha, l’agachon (verb agachar)” en occitan lengadocian (de l’oest) es “lo gait (verb gaitar)”, en occitan gascon es “eth goeit, lo gueit, era guèita (verb goeitar)”. Ven dal francic (lenga germànica) *wahtôn “vigilar” (en inglés “to wait”).
Aquel nom es d’aitant mai probable que lo nom dal pichin luec situat a costat es “La Torre” (escrich ancin en grafia occitana ben conservaa) la “tour” en francés.
— Se es un nom de persona, es segurament lo nom dal proprietari dal terren. Existon de familhai “Gueit” entra Provença e Alps (lai Bocai de Ròse, lo Var e las Alps Marítimai), e tantben de familhai “Gueit”, “Goueyt” en Gasconha (lai Landas, la Gironda). En gasconha exíston de noms de luecs: “Lagoueyte, Lagoeyte, Lagueyt, Lagueyte”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari