Sabo plus tròup a quant ne’n sèm de variacions de confinhaments oficials o sonats cobrifuec. Fins a 18h, pi 19h, 21h...
Avans èran las dimenjaias solament o mai e encara avans èran en setmana. Mas l’economia es a tròces.
Recòrdis. Solament per qualquas zònas, los Alps Maritimes, primier departament d’èstre reconfinhat sus la còsta, marrits escolans... Mas l’endeman parier per Dunkerke. Pi Mosela? (n’an paur los tedesques). D’autres mai finalament son en confinhament localizat.
Las atacas als monegascos dins lo genre: fan diferent de França doncas son marrits. E pi son pichins. Alora poètz picar sus melhor!? Mas degun parla d’Itàlia que confinha per regions segon s’es en roge, senon non. Segon los cases avian lors begüas dubèrtas mentre qu’a Mentan, niet.
Lo mond devon teletrabalhar mas l’escòla finalament demòra mai dubèrta que ce que se pensava. E per los pichons los gèstas barrieras es un pauc de ficcion d’aplicar a la letra.
Ai un sovenir “esmogut” de l’epòca que las màsqueras èran consideraias coma inutilas. Totun l’estòc d’estat èra estach getat e plus renovelat.
Mas poiam quitament anar votar per las eleccions municipalas, vai!
Aüra parlan de bandir las màsqueras facha de maison per d’unos luecs!
E las atestacions, an cambiat sabo ren quant de còups de version. Al principi solament en version papier, que deviam emplenar una nòva cada còup minga al gredon! Mas of, après tanben sus i aguèt lo telefonet (acabaia la galèra).
A la rubrica casa, a l’origina èra sensa possibilitat de far sortir las mainaias mas los... cans, òc!
S’èra possible de se confinhar autra part que la sieu residéncia (principala doncas). Flotatge artistic. E adaptacion a flor e mesura, mercés als jornals per o saber.
Avans amb 1 km entorn dal domicili après 5 km pi 10 kms, 1 ora o la jornaia. Impossible d’anar en Itàlia vesina. Levat proprietaris de maison. Aüra es amb PCR per i anar.
Avèm obliat mas aviam quitament minga informacion per saber s’aviam obligacion de crompar al comèrci lo mai pròche o se poiam anar mai luènh (magasin bio non a proximitat).
E los vaccins, uf. Fins a quora seràn eficaces? De fach avèm gaire de reculaia.
Tot aquò nos a fach obliar los gilecos jaunes, los atemptats islamistas en França. Lo vièlh marronier despí qu’ai naissut, Israël-Palestina, tòrna un pauc trencar l’actu. Mai que los tibetans, mongòls interiors, oigors, amerindians, afroamericans, armènis...
E nosautres, los autoctònes d’Occitània? Quant de temps durarà l’atencion de l’actualitat politica sus la lei Molac? Per l’ascensor emocional avèm agut d’episòdis tragicomics coma l’obtencion mai o mens electronica de 61 signaturas per autorizar lo Conselh Constitucional a talhar dins tèxte de la lei. Uèlhs bendats sembla. Lo president de la Republica que s’opausa finalament a Blanquer sus l’immersion. Vairon e Le Drian al secors?
E subretot los actes mai que las paraulas de pompiers piromanes? Après 1981 e lo discors de Lorient per Mitterand, Hollande 2012, promessa No 56... E los autres, Toubon, Jospin, Bel...
De còups ren d’a besonh de parlar, agir basta.
Parole parole parole, conoissètz la cançon?
Avèm tendéncia a obliar lèu lèu dins l’occitanisme alora replay per lo fun:
Mas las eleccions regionalas apròchan... Per far cort, sus la mitat de l’espaci occitan, 2 regions de 4 en França concernias per l’occitan (sensa comptar las comunas sud de la region Centre) permeton de votar una lista occitanista: Òc per Provença en region Provença-Alps-Còsta d’Azur e Bastir Occitania en region Occitanie-Pyrénées-Méditerranée.
Avans las presidencialas!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La dicha en francés : "Souvent femme varie, etc. e de segur un emprunt a la politica menada pels politicians de tota mena desempuèi l'an pèbre ! Ne sèm arribats çaquelà a un nivèl que se poiriá brevetar urbi et orbi après un an d'embarrament degut al virus, plan constant el…
Qui dirà lo cartesianisme exagonal dels que son en carga del país ? Un jorn mascat, un jorn "cuol nud", un jorn util, un jorn pas. Ai plan paur que, la sason de la toristalha acabada, tòrne un episòdi novèl d'embarrament e de condicionament dels ciutadans…
Son pas las listas localas que mancan dins las diferentas regions ; son las listas politicas qu'an desapareissut. Los signes d'apartenença fan pas mai flòri ; de la ròsa al punh, seriá pas damorat que la tija de la flor e encara… lo punh ne cal pas parlar… Es tot parièr per totes los partits o movements, levat benlèu la drecha extrèma.
Calrà temps per tornar aculhir las culturas localas que l'Estat jaobin a escafadas sens parlar de tornar metre la lenga dins los discors locals autrament que per far polit dins lo decòr…
Mas soi segur que i a gents intelligents que o pòdon explicar melhor que non pas ieu…
"Tot aquò nos a fach obliar los gilecos jaunes" ? Amb çò qu'ai ieu viscut a lors costats, tant al giratòri coma per carrièras pendent un an, soi plan luènh de los oblidar, s'o me permetes, car Laurenç !
"Bastir Occitanie", una lista occitanista ? Nos escafalam coma de padenas ! Zerò programa, zerò credibilitat, zerò coëréncia. Lo cap de lista es un transfug macronista passat pel Partit socialista. Los sostens son tras que dobtoses. Mas totun, cars amics, qual auriá pensat que se poguèsse un jorn maridar de nacionalistas occitans, de combistas obsedits per la laïcitat e l'agitprop democrata-crestiana de l'inefable Jean Lassalle ? Tot aquò s'endeven coma cagarèlas de craba, rai, avètz rason. Mas consolatz-vos, occitanistas, amb las cançons que nos cantan de temps en quora sus las rets socialas, nos creiriam a la kermessa occitana de Pamparigosta, e aquò, es de la primièira borra !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
La dicha en francés : "Souvent femme varie, etc. e de segur un emprunt a la politica menada pels politicians de tota mena desempuèi l'an pèbre ! Ne sèm arribats çaquelà a un nivèl que se poiriá brevetar urbi et orbi après un an d'embarrament degut al virus, plan constant el…
Qui dirà lo cartesianisme exagonal dels que son en carga del país ? Un jorn mascat, un jorn "cuol nud", un jorn util, un jorn pas. Ai plan paur que, la sason de la toristalha acabada, tòrne un episòdi novèl d'embarrament e de condicionament dels ciutadans…
Son pas las listas localas que mancan dins las diferentas regions ; son las listas politicas qu'an desapareissut. Los signes d'apartenença fan pas mai flòri ; de la ròsa al punh, seriá pas damorat que la tija de la flor e encara… lo punh ne cal pas parlar… Es tot parièr per totes los partits o movements, levat benlèu la drecha extrèma.
Calrà temps per tornar aculhir las culturas localas que l'Estat jaobin a escafadas sens parlar de tornar metre la lenga dins los discors locals autrament que per far polit dins lo decòr…
Mas soi segur que i a gents intelligents que o pòdon explicar melhor que non pas ieu…
"Tot aquò nos a fach obliar los gilecos jaunes" ? Amb çò qu'ai ieu viscut a lors costats, tant al giratòri coma per carrièras pendent un an, soi plan luènh de los oblidar, s'o me permetes, car Laurenç !
"Bastir Occitanie", una lista occitanista ? Nos escafalam coma de padenas ! Zerò programa, zerò credibilitat, zerò coëréncia. Lo cap de lista es un transfug macronista passat pel Partit socialista. Los sostens son tras que dobtoses. Mas totun, cars amics, qual auriá pensat que se poguèsse un jorn maridar de nacionalistas occitans, de combistas obsedits per la laïcitat e l'agitprop democrata-crestiana de l'inefable Jean Lassalle ? Tot aquò s'endeven coma cagarèlas de craba, rai, avètz rason. Mas consolatz-vos, occitanistas, amb las cançons que nos cantan de temps en quora sus las rets socialas, nos creiriam a la kermessa occitana de Pamparigosta, e aquò, es de la primièira borra !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari