Maugrat que ma maire ague pas parlat d’aquò en sos escriches, perqué avia lo culte de la familha, me penso qu’es vengua qualques còups veire sa grana, era tròup pichona per conéisser son gran qu’es mòrt en aquest ostal mas es estat soterrat en Sant Bertomieu. Quora sa maire es mòrta d’una grossessa estra uterina e subretot d’un retard de diagnostic degut au radicalisme cristan de mon gran que volia pas que vengue un metge. Après es segurament vengua veire son pairin e sa gran e a segurament coneissut las familhas de cochiers que restavan de l’autre costat dau jardin. Donc quora rescontrèt un cochier de sa grana, aquel gavòt ronhava perqué quora èran d’invernants, en estiu povia montar au fresc au sieu per governar son ben, mas despí èran d’estivants! “Que venon faire en Nissa en aquel moment que nosautres volèm la quitar perqué fa tròup chaud!”.