Sota la glèisa Joana d'Arc conegüa coma Nòstra Dama dals Òus Durs (voèi a quasi cada glèia facha sota lo periòde francés après lo 1860, li avèm donat un estranom coma "Nòstra Dama dals franceses" per la glèia Nòstra Dama sus J Medecin), li èra una carriera privaa. Qualques atalhiers fugeron bastits, los afars chaminavan ben, mas la carriera avia pas de nom. Alora los patrons dals atalhiers an demandat a la comuna de donar un nom. An esperat. An demandat un còup de mai, an encara esperat. Jamai de respònsa!  Li era en lo barri un paure Cristo que povia faire que lo mestier de chapacan. Alora un mesteiran li demandet: "coma ti sònan? "Paulon  Bròdo". E despí la carriera si sonava coma aquò. La meria provèt de faire chamjar lo nom, mas los atalhiers avian sas adreiças, sos papiers emb entèsta! E la carriera es estat sonaa coma aquò qualques annaas.

Aquò es çò que m'a contat mon pairin, d'autres dison que lo monde avia prepausat "carriera dau chapacan" e que los emplegats de la meria avian demandat son nom au gus.  Ai fach qualques recèrchas e ai pas troba de "Brodou" en los Aups Maritimes. Me penso qu'es una nomenalha. Avia benleu lo ment un pauc embrumat. Ai totjorn ausit Paul Bròdo coma en francés. Benleu chal comprendre bròdo (sopa) de pollo (toscanisme, pollo per jal/ gal) en plaça de bròdo de Paul!  

Fòto: partia de la Charriera Gramont, qu’èra la "carriera Paul Bròdo". Li èran d’atalhiers, vengut puèi prefonduts, ont i es aüra lo parcatge.

image Google maps


carta postala d'un chapacan (fòto Getty image)