Opinion
Tristum democratic
Lo temps das eleccions das collectivitats es importantissim pel monde associatiu.
Cal doblidar pas qu’aqueste es un laboratòri de la vida sociala, e que ne sortiguèron mantunas politicas publicas.
Aquel sector patís bravament dempuèi detz ans. Foguèt d’en primièr la crisi majorala que nos farguèt lo caborditge das bancas. Ne venguèt l’austeritat generala, e per economisar las collectivitats saquejèron a bel talh las associacions.
Ja bravament aflaquidas prenguèron demai la virussada que clavèt tot gaireben un an e mieg.
Las campanhas electoralas son temps que los elegits se cambian en candidats. La diferéncia entre los dos se trapa dins l’activacion de la foncion d’escota. Mas aqueste còp las eleccions se fan a la chut-chut amor que la situacion sanitària prenguèt l’actualitat tota e entrepachèt la campanha.
De mai aquestas eleccions son manjadas per la presidenciala e las regionalas ne son pas mai que lo torn de caufa.
Per las departamentalas, emai ajan plan mai de budgets que las regions, es la desaparicion completa, ges de campanha, e aquelas eleccions departamentalas se fan dins un silenci programatic qu’es lo dau voide intersideral.
Tot de la crisi ecologica e sanitària fa la pròva bela que lo local es capital. Mas tota la maquinaria politica i va d’a fons en contra. Necitge e tristum.
Fin finala los dos tièrs dels electors son pas estats votar. Los vencèires van trionflar de segur. Emai a 10 % de participacions serian ganhaires e contents d’eles. Michanta limonada per la democracia.
Segur lo progrés progressa e l’avenir se sarra.
Cal doblidar pas qu’aqueste es un laboratòri de la vida sociala, e que ne sortiguèron mantunas politicas publicas.
Aquel sector patís bravament dempuèi detz ans. Foguèt d’en primièr la crisi majorala que nos farguèt lo caborditge das bancas. Ne venguèt l’austeritat generala, e per economisar las collectivitats saquejèron a bel talh las associacions.
Ja bravament aflaquidas prenguèron demai la virussada que clavèt tot gaireben un an e mieg.
Las campanhas electoralas son temps que los elegits se cambian en candidats. La diferéncia entre los dos se trapa dins l’activacion de la foncion d’escota. Mas aqueste còp las eleccions se fan a la chut-chut amor que la situacion sanitària prenguèt l’actualitat tota e entrepachèt la campanha.
De mai aquestas eleccions son manjadas per la presidenciala e las regionalas ne son pas mai que lo torn de caufa.
Per las departamentalas, emai ajan plan mai de budgets que las regions, es la desaparicion completa, ges de campanha, e aquelas eleccions departamentalas se fan dins un silenci programatic qu’es lo dau voide intersideral.
Tot de la crisi ecologica e sanitària fa la pròva bela que lo local es capital. Mas tota la maquinaria politica i va d’a fons en contra. Necitge e tristum.
Fin finala los dos tièrs dels electors son pas estats votar. Los vencèires van trionflar de segur. Emai a 10 % de participacions serian ganhaires e contents d’eles. Michanta limonada per la democracia.
Segur lo progrés progressa e l’avenir se sarra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fin finala, los dos terces dels electors non son estats votar, benlèu per amor qu'an enfin comprés que, quina que siá las colors majoritàrias que sortiguèran de las urnas, sempre serà l'ordoliberalisme financiarista internacional que decidirà e impausarà, per la fòrça caluga, o calguèsse, sas fotudas decisions de dreita dura que salvatja. Dins de perspepectivas aital, a qué mai de bon anar votar ? Democracia ? Cal quitar de nos préner per de nècis…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari