Opinion
Miss Eleccions: una valpauc?
Res de novèl jos lo solelh…
Las eleccions regionalas e departamentalas an tengut sas promessas! Dama abstencion es arribada primièra sens ges de contestacion… Gaireben 70% dels electors an causit de damorar a l’ostal o de far quicòm mai.
Fa qualques ans ja que los Franceses concernits vòtan amb lors pès, coma se ditz. E los especialistas de s’interrogar e la classa politica d’escarnir aquela manca de civisme… Los primièrs fan lor mestièr mas, en bons cercaires, pòrtan pas cap de solucions; avançan ipotèsis per insultar pas l’avenidor.
Ça que la, qualques jorns abans las eleccions, los mèdia relevavan las chifras e aquelas chifras notavan que lo peril de la drecha extrèma s’apressava cada jorn un pauc mai. Aquelas eleccions anavan balhar entresenhas seriosas e irrefutablas sus l’eleccion presidenciala de l’an que ven. Crisi economica e embarrament en causa de la Covid-19 accentuavan, çò disián, la tendéncia…
En los Estats Units, los quatre ans de la presidéncia Trump, amb lo desir o lo besonh d’un líder populista capable de flatar los instints mai bas del pòble, mostravan lo camin; dins l’Union europèa, Polonha e Ongria avián endralhat lo camin… França, amb una drecha extrèma de mai en mai fòrta, corriá la risca de portar al som de l’estat la representanta d’un partit que, fins ara, aviá butat contra un “front republican” que veniá mai tèune a cada eleccion, etc.
La classa politica, adèpta de las cadièras musicalas, tenguèt son ròtle costumièr: a tu, a ieu, sens se rendre compte de çò que mantun elector a comprés desempuèi un brave bieu: s’a perdut la cerimana.
Senon, coma explicar totas aquelas mesalianças pel segond torn? Aguèssen legit Joan de la Font, nòstres politicians aurián sabut qu’aqueste a pa jamai escrich lo maridatge de la carpa e del conilh / lapin e se serián pas lançats dins carrièras bòrnias.
L’insoléncia cartesiana es a l’òbra: òm vei un èx-primièr ministre d’esquèrra (en principi) —tornat d’un exilh barcelonin definitiu!— sostenir una lista de drecha e la situacion invèrsa! al nom, de segur, de l’avenidor regional senon local…
Dimenge, dama Abstencion va senhorejar un còp demai, los politicians deploraràn la manca de civisme et lo desinterès per la Causa publica, not’ bon president anonciarà que local e regional son pas sos afars…
Nos endralham vèrs un populisme a la francesa —podèm pas copiar los autres!— e lo paure cronicaire que soi i tornarà pas trobar son latin!
Las eleccions regionalas e departamentalas an tengut sas promessas! Dama abstencion es arribada primièra sens ges de contestacion… Gaireben 70% dels electors an causit de damorar a l’ostal o de far quicòm mai.
Fa qualques ans ja que los Franceses concernits vòtan amb lors pès, coma se ditz. E los especialistas de s’interrogar e la classa politica d’escarnir aquela manca de civisme… Los primièrs fan lor mestièr mas, en bons cercaires, pòrtan pas cap de solucions; avançan ipotèsis per insultar pas l’avenidor.
Ça que la, qualques jorns abans las eleccions, los mèdia relevavan las chifras e aquelas chifras notavan que lo peril de la drecha extrèma s’apressava cada jorn un pauc mai. Aquelas eleccions anavan balhar entresenhas seriosas e irrefutablas sus l’eleccion presidenciala de l’an que ven. Crisi economica e embarrament en causa de la Covid-19 accentuavan, çò disián, la tendéncia…
En los Estats Units, los quatre ans de la presidéncia Trump, amb lo desir o lo besonh d’un líder populista capable de flatar los instints mai bas del pòble, mostravan lo camin; dins l’Union europèa, Polonha e Ongria avián endralhat lo camin… França, amb una drecha extrèma de mai en mai fòrta, corriá la risca de portar al som de l’estat la representanta d’un partit que, fins ara, aviá butat contra un “front republican” que veniá mai tèune a cada eleccion, etc.
La classa politica, adèpta de las cadièras musicalas, tenguèt son ròtle costumièr: a tu, a ieu, sens se rendre compte de çò que mantun elector a comprés desempuèi un brave bieu: s’a perdut la cerimana.
Senon, coma explicar totas aquelas mesalianças pel segond torn? Aguèssen legit Joan de la Font, nòstres politicians aurián sabut qu’aqueste a pa jamai escrich lo maridatge de la carpa e del conilh / lapin e se serián pas lançats dins carrièras bòrnias.
L’insoléncia cartesiana es a l’òbra: òm vei un èx-primièr ministre d’esquèrra (en principi) —tornat d’un exilh barcelonin definitiu!— sostenir una lista de drecha e la situacion invèrsa! al nom, de segur, de l’avenidor regional senon local…
Dimenge, dama Abstencion va senhorejar un còp demai, los politicians deploraràn la manca de civisme et lo desinterès per la Causa publica, not’ bon president anonciarà que local e regional son pas sos afars…
Nos endralham vèrs un populisme a la francesa —podèm pas copiar los autres!— e lo paure cronicaire que soi i tornarà pas trobar son latin!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La politica es coma un iceberg. Viesam mas çò que se passa a la surfaça. La realitat es en dejos, plan catada. I a pas la dreicha e l'esquerra; i a nòstres tots los sens-grade, sens poder, nuds e los que nos expleitan, los qu'asservissan tots los partits, totas las religions, totas las idéias, tots los estats e collectifs umanitaris o ecologics, sens oblidar los medias que sens eus la Revolucion serian deja facha..
La politica es coma un iceberg. Viesam mas çò que se passa a la surfaça. La realitat es en dejos, plan catada. I a pas la dreicha e l'esquerra; i a nòstres tots los sens-grade, sens poder, nuds e los que nos expleitan, los qu'asservissan tots los partits, totas las religions, totas las idéias, tots los estats e collectifs umanitaris o ecologics, sens oblidar los medias que sens eus la Revolucion serian deja facha..
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari