Opinion
Trump e Al Capone…
Res de novèl jos lo solelh… Encara que!
Los que seguisson l’actualitat seguison de segur çò que se passa en los Estats Units, encara mai desempuèi que Joe Biden es estat elegit president e qu’a tornat prene los engatjaments tradicionals de son país al nivèl internacional, engatjaments que lo Trump se n’èra sortit gaireben tanlèu portat a la presidéncia.
Vos vau pas tornar parlar dels quatre ans de la presidéncia Trump que portèt al pinacle vertats alternativas, faussas novèlas vertadièras —las fake news— etc. e que, segon lo Fact checker —verificator dels faches— del Washington Post, prononcièt, al cors de son mandat de president, 30 573 messorgas… amb un apogèu lo 2 de novembre de 2020, tot just abans l’eleccion, de 503 faussas declaracions en un jorn!
Sa devisa: Avoar pas jamai —Never admit anything— e sas messorgas an agradat a milions d’Estatsunidencs que pensan que l’èx-president es un martir de las “fòrças del mal” — per far cort.
Pel primièr còp dins l’istòria dels Estats Units, un president, en principi miliardari dins la vida vidanta, es estat sostengut, e o es encara, pels aderents del partit politic —lo GOP = Grand Old Party— al poder dins son entrepresa de subversion de l’Estat estatsunidenc.
O sabèm totes que de maldire ne demòra totjorn quicòm mas una democracia, quitament imperfacha, a qualques mejans per se defendre: son las institucions e, particularament, la polícia e la justícia.
Semblariá que son comportament aja pas agradat a totes e sas insultas deprecatòrias e sovent racistas envèrs los autres, sa vantariá a propaus de son abiletat a pagar pas de taxas, an menat la justíciade Nòva Iòrc a anar veire de mai pròche los comptes de sas entrepresas…
La justícia estatsunidenca pòt èsser a còps corrompuda mas es capabla tanben de rosigar un òs fins a la mesolha… E los Estats Units estant un país federal, la justícia i es pas centralizada coma en cò nòstre.
Qu’un jutge, per rasons divèrsas e variadas, se descadene, aquò pòt donar a d’autres l’idèia de far tot parièr…
Soi pas un especialista mas legiguèri, longtemps a de segur, que lo gangster Al Capone finiguèt en preson non pas en causa dels assassinats qu’aviá fach cometre —las pròva mancavan!— mas en causa de las taxas qu’aviá pas pagadas!
Comparason es pas rason mas ara qu’es tornat un ciutadan “normal”, lo rodomond racista, pietadós e despicable, a mos uèlhs al mens, poiriá ben aver de comptes a rendre sus son pòrtamoneda… e son pas sas jeremiadas que lo tiraràn d’afar…
Se tirèsse d’aquel maissant pas, seriá un senhal d’una decadéncia sens parelh del sistèma estatsunidenc e la mesa sus l’empont d’una sembla-democracia populista que s’espandiriá a un fum d’autres païses que França ne seriá pas exèmpta…
Los que seguisson l’actualitat seguison de segur çò que se passa en los Estats Units, encara mai desempuèi que Joe Biden es estat elegit president e qu’a tornat prene los engatjaments tradicionals de son país al nivèl internacional, engatjaments que lo Trump se n’èra sortit gaireben tanlèu portat a la presidéncia.
Vos vau pas tornar parlar dels quatre ans de la presidéncia Trump que portèt al pinacle vertats alternativas, faussas novèlas vertadièras —las fake news— etc. e que, segon lo Fact checker —verificator dels faches— del Washington Post, prononcièt, al cors de son mandat de president, 30 573 messorgas… amb un apogèu lo 2 de novembre de 2020, tot just abans l’eleccion, de 503 faussas declaracions en un jorn!
Sa devisa: Avoar pas jamai —Never admit anything— e sas messorgas an agradat a milions d’Estatsunidencs que pensan que l’èx-president es un martir de las “fòrças del mal” — per far cort.
Pel primièr còp dins l’istòria dels Estats Units, un president, en principi miliardari dins la vida vidanta, es estat sostengut, e o es encara, pels aderents del partit politic —lo GOP = Grand Old Party— al poder dins son entrepresa de subversion de l’Estat estatsunidenc.
O sabèm totes que de maldire ne demòra totjorn quicòm mas una democracia, quitament imperfacha, a qualques mejans per se defendre: son las institucions e, particularament, la polícia e la justícia.
Semblariá que son comportament aja pas agradat a totes e sas insultas deprecatòrias e sovent racistas envèrs los autres, sa vantariá a propaus de son abiletat a pagar pas de taxas, an menat la justíciade Nòva Iòrc a anar veire de mai pròche los comptes de sas entrepresas…
La justícia estatsunidenca pòt èsser a còps corrompuda mas es capabla tanben de rosigar un òs fins a la mesolha… E los Estats Units estant un país federal, la justícia i es pas centralizada coma en cò nòstre.
Qu’un jutge, per rasons divèrsas e variadas, se descadene, aquò pòt donar a d’autres l’idèia de far tot parièr…
Soi pas un especialista mas legiguèri, longtemps a de segur, que lo gangster Al Capone finiguèt en preson non pas en causa dels assassinats qu’aviá fach cometre —las pròva mancavan!— mas en causa de las taxas qu’aviá pas pagadas!
Comparason es pas rason mas ara qu’es tornat un ciutadan “normal”, lo rodomond racista, pietadós e despicable, a mos uèlhs al mens, poiriá ben aver de comptes a rendre sus son pòrtamoneda… e son pas sas jeremiadas que lo tiraràn d’afar…
Se tirèsse d’aquel maissant pas, seriá un senhal d’una decadéncia sens parelh del sistèma estatsunidenc e la mesa sus l’empont d’una sembla-democracia populista que s’espandiriá a un fum d’autres païses que França ne seriá pas exèmpta…
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sens voler polemicar, çò qu’es dins l’article es vrai a mens d’acusar lo Washington post e autres d’inventar las causas coma o ditz l’èx-president. Mas denonciar Trump e sas messorgas, son racisme, etc. vòl pas dire que los democrats son ànjols... e o disi pas! Itornarai de segur dins una cronica...
Soi anat en los Estats units cada an pendent un quarantenat d’ans dins lo quadre de mon mestièr e, sens aver la pretencion d’èsser un especialista, coneissi benlèu los Estatsunidencs mai qu’una majoritat de Franceses.
Assumissi çò qu’escrivi e avètz lo drech d’èsser pas d’acòrd e de creire lo Trump...
Faldria un jutge per saber si çò qu'es dich dins aquel article es un fake-new o pas.
Quò es bon de rire de l'autre; l'autre a tojorn tòrt, se comporta totjorn coma un inocent, un messongier. Es bon per far una peça de teatre.
Mas, jamai l'òm critica se e sa familha e son pais. par definicion l'autre a totjorn tòrt.
Un filosòfe grec disia a sos eleves : " demandatz - vos si la new qu'avem aprengut uei, es la vertat, si quò es bon de la colportar e mesme si quò sert lo bian.
L'esquerra es quand mesme acusada de far dau dumpiung social, d'aver privilegiar la quantitat au detriment de la qualitat, d'utilisar la vaccinacion per sterilisar la populacion e d'obeir aus ordris de la super classa que domina lo monde.
Sem governats per aquela superclassa que sas raiçs son aus Estats-Unis e que dirigea França e sas multinacionalas coma sas fòrmas de pensadas.
Segur qu'i a una decadença dau sistem economico-financier- politic que s'espandra a un fum de pais.
Que fan los occitanistes? espiar ente lo vent vai bufar?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari