Opinion
París en província
L’estiu es tornat e, amb el, las animacions e manifestacions que tòrnan balhar vida als vilatges e vilòtas endormidas generalament la rèsta de l’annada.
Quitament se, dins las campanhas de l’exagòn, n’avèm pas tròp sofèrt, devètz saber que lo virus Covid-19 a fach, fins ara, mai de quatre milions de mòrts sul planeta e que, malgrat la mesa al punt rapida de vaccins, contunha de fornir de trabalh a la dalhaira que, desempuèi la creacion de l’umanitat, nos espèra totes un jorn o l’autre.
Tot sol, es estat capable desempuèi mai d’un an ara, de blocar gaireben tota vida sociala, economica, etc. Las nacions desvolopadas an pas escapat al chaple e an començat sonque al primtemps a levar las restriccions mesas en plaça per limitar las victimas.
Fin finala, los pòbles de las nacions desvolopadas, e los Franceses en particular, an acceptat la privacion de libertat resultant de las mesuras sanitàrias; ça que la, los renaires son damorats nombroses que son opausats a las mesuras e a la vaccinacion al nom de la libertat individuala o en fasi amb las teorias conspiracionistas que son de mai en mai de mòda gràcia a las rets socialas…
E coma cal saber fins ont cal pas anar tròp luènh… los que nos govèrnan an pres pretèxt que i aviá un bon percentatge de ciutadans vaccinats e que lo virus èra mens agressiu en estiu per permetre, amb de restriccions, a la vida sociala de tornar…
Es aital que París posquèt venir en província la setmana passada a Coturas de Garòna (Òut et Garòna) per lo cinquen Festival internacional de jornalismeorganizat pel grop Le Monde.
Tres jorns de conferéncias, taulièrs, etc. sus un fum de subjèctes —complotisme, diversitat dins los mèdia, nafradura coloniala, lo pòble, etc.— e amb “vedetas” exagonalas. Ongan, Na Taubira e En Melenchon èran las “stars” politicas e la “premsa parisenca en question” la vedeta mediatica!
L’organizacion èra perfacha o quasi. Los debats èran de qualitat e sens agressivitat. Mas, sens voler escopir dins l’escudèla, ai trobat que l’ensems damorava fòrt parisenc!
O sabi que soi un reborsièr mas aquel esfòrç de far viure la cultura en cò nòstre a un rèire-gost de paternalisme… Me rebecaretz que, al lòc de repotegar, los “plocs” se deurián bolegar… e vos balharai pas tòrt mas la moneda, l’an pas totes!
Naturalament, es pas possible de o seguir tot; soi donc anat veire las doas vedetas…
Una error, per ieu, es estada d’invitar l’òme de l’eissarpa roge que parlèt pendent una bona orada del “pòble”… una faiçon per el de començar —se l’arrestèt jamai!— sa campanha presidenciala. Me sembla qu’es pas lo sol a poder parlar del “pòble”!
L’autra error, mendre, foguèt de far intervenir Na Taubira —invitada per parlar de colonialisme— dins un sembla-procès de la premsa parisenca, al costat d’anonims, en qualitat de testimòni coma los autres… E çò que deviá arribar arribèt: Na Taubira testimonièt a son léser, parlèt de causas qu’avián pas res a veire amb lo sembla-procès… sens èsser interompuda pel jutge de pacotilha e lo temps manquèt pels autres (un almens)… qu’èran anonims. Demonstracion per l’absurd?
La descentralizacion e lo paternalisme, quitament inconscients, an pas res a crentar pel moment!
Quitament se, dins las campanhas de l’exagòn, n’avèm pas tròp sofèrt, devètz saber que lo virus Covid-19 a fach, fins ara, mai de quatre milions de mòrts sul planeta e que, malgrat la mesa al punt rapida de vaccins, contunha de fornir de trabalh a la dalhaira que, desempuèi la creacion de l’umanitat, nos espèra totes un jorn o l’autre.
Tot sol, es estat capable desempuèi mai d’un an ara, de blocar gaireben tota vida sociala, economica, etc. Las nacions desvolopadas an pas escapat al chaple e an començat sonque al primtemps a levar las restriccions mesas en plaça per limitar las victimas.
Fin finala, los pòbles de las nacions desvolopadas, e los Franceses en particular, an acceptat la privacion de libertat resultant de las mesuras sanitàrias; ça que la, los renaires son damorats nombroses que son opausats a las mesuras e a la vaccinacion al nom de la libertat individuala o en fasi amb las teorias conspiracionistas que son de mai en mai de mòda gràcia a las rets socialas…
E coma cal saber fins ont cal pas anar tròp luènh… los que nos govèrnan an pres pretèxt que i aviá un bon percentatge de ciutadans vaccinats e que lo virus èra mens agressiu en estiu per permetre, amb de restriccions, a la vida sociala de tornar…
Es aital que París posquèt venir en província la setmana passada a Coturas de Garòna (Òut et Garòna) per lo cinquen Festival internacional de jornalismeorganizat pel grop Le Monde.
Tres jorns de conferéncias, taulièrs, etc. sus un fum de subjèctes —complotisme, diversitat dins los mèdia, nafradura coloniala, lo pòble, etc.— e amb “vedetas” exagonalas. Ongan, Na Taubira e En Melenchon èran las “stars” politicas e la “premsa parisenca en question” la vedeta mediatica!
L’organizacion èra perfacha o quasi. Los debats èran de qualitat e sens agressivitat. Mas, sens voler escopir dins l’escudèla, ai trobat que l’ensems damorava fòrt parisenc!
O sabi que soi un reborsièr mas aquel esfòrç de far viure la cultura en cò nòstre a un rèire-gost de paternalisme… Me rebecaretz que, al lòc de repotegar, los “plocs” se deurián bolegar… e vos balharai pas tòrt mas la moneda, l’an pas totes!
Naturalament, es pas possible de o seguir tot; soi donc anat veire las doas vedetas…
Una error, per ieu, es estada d’invitar l’òme de l’eissarpa roge que parlèt pendent una bona orada del “pòble”… una faiçon per el de començar —se l’arrestèt jamai!— sa campanha presidenciala. Me sembla qu’es pas lo sol a poder parlar del “pòble”!
L’autra error, mendre, foguèt de far intervenir Na Taubira —invitada per parlar de colonialisme— dins un sembla-procès de la premsa parisenca, al costat d’anonims, en qualitat de testimòni coma los autres… E çò que deviá arribar arribèt: Na Taubira testimonièt a son léser, parlèt de causas qu’avián pas res a veire amb lo sembla-procès… sens èsser interompuda pel jutge de pacotilha e lo temps manquèt pels autres (un almens)… qu’èran anonims. Demonstracion per l’absurd?
La descentralizacion e lo paternalisme, quitament inconscients, an pas res a crentar pel moment!
Magnifique @ChTaubira qui parle du peuple, de la géographie et de la France au @FestJournalisme . Comment une carte géographique peut oublier les destins des peuple? pic.twitter.com/YYMKZc1BAZ
— Richard Werly (@LTwerly) July 10, 2021
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Que pensi que ne cau pas mesclar los genres... Que balhi lo men sentiment sus ua manifestacion digna d’interès quitament se i a causas que’m gèinan. Ne pensi pas estar l’aulha de degun e lo men perpaus n’es pas la masqueta, lo govèrn o que te sabi...
A! la bona pensada unica, la bona politica!
L'òm reunit dau monde. I a un consensus, quauqes complotistes, un rotge que parlar sens s'arrestar, Los desbats eran de qualitat, sens agressivitat. Tot vai per lo mielhs, Mme la Marquisa, i a ren a veire. Pertant l'escura a cramat, la malaudia es dins los vilatges, l'economia es sur lo bòrd de far bancarota mas tot vai plan Mme la marquisa.
Andriu de Gavaudan es una bona auvelha qu'obeit, qu'obeit à tot çò que ven daus governaments e de las autoritaris sanitarias. Mai, a acceptat la privacion de libertats, lo confinament, lo pòrt dau masc. Pertant aquelas mesuras son fachas per durar, lo vaccin es a renovelar tots los mes, quite a far una chaça aus sorcieras per los non-vaccinats e autras mechancetats.
Mas, tot vai plan Mme la Marquisa, tot vai plan.
Tot aquò per un micròbe qu'a fach mens de 4000 mòrts dins lo monde. Los autres son mòrts de paur, mòrt d'una propaganda coma jamai, mòrts de medicaments pas adaptats.
A! la bona pensada unica, la bona politica!
L'òm reunit dau monde. I a un consensus, quauqes complotistes, un rotge que parlar sens s'arrestar, Los desbats eran de qualitat, sens agressivitat. Tot vai per lo mielhs, Mme la Marquisa, i a ren a veire. Pertant l'escura a cramat, la malaudia es dins los vilatges, l'economia es sur lo bòrd de far bancarota mas tot vai plan Mme la marquisa.
Andriu de Gavaudan es una bona auvelha qu'obeit, qu'obeit à tot çò que ven daus governaments e de las autoritaris sanitarias. Mai, a acceptat la privacion de libertats, lo confinament, lo pòrt dau masc. Pertant aquelas mesuras son fachas per durar, lo vaccin es a renovelar tots los mes, quite a far una chaça aus sorcieras per los non-vaccinats e autras mechancetats.
Mas, tot vai plan Mme la Marquisa, tot vai plan.
Tot aquò per un micròbe qu'a fach mens de 4000 mòrts dins lo monde. Los autres son mòrts de paur, mòrt d'una propaganda coma jamai, mòrts de medicaments pas adaptats.
A! la bona pensada unica, la bona politica!
L'òm reunit dau monde. I a un consensus, quauqes complotistes, un rotge que parlar sens s'arrestar, Los desbats eran de qualitat, sens agressivitat. Tot vai per lo mielhs, Mme la Marquisa, i a ren a veire. Pertant l'escura a cramat, la malaudia es dins los vilatges, l'economia es sur lo bòrd de far bancarota mas tot vai plan Mme la marquisa.
Andriu de Gavaudan es una bona auvelha qu'obeit, qu'obeit à tot çò que ven daus governaments e de las autoritaris sanitarias. Mai, a acceptat la privacion de libertats, lo confinament, lo pòrt dau masc. Pertant aquelas mesuras son fachas per durar, lo vaccin es a renovelar tots los mes, quite a far una chaça aus sorcieras per los non-vaccinats e autras mechancetats.
Mas, tot vai plan Mme la Marquisa, tot vai plan.
Tot aquò per un micròbe qu'a fach mens de 4000 mòrts dins lo monde. Los autres son mòrts de paur, mòrt d'una propaganda coma jamai, mòrts de medicaments pas adaptats.
" Quora un pòble apara pus sas libertats e sos dreches, ven madur per l'esclavatge"
Jean Jacques Rousseau
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari