Opinion
De tot un pauc!
Pareis que seriái mens pensamentós se crompavi pas la premsa papièr, se legissiái pas la premsa electronica o s’agachavi pas las novèlas sul fenestron!
Ne soi convençut desempuèi un brave brieu mas ai totjorn pensat qu’èra una causa senon importanta almens normala de conéisser l’anar del mond a mens de causir de viure una vida d’ermita.
Fa ja qualques meses que la novèla màger es lo virus vengut de l’Èst luenhenc e son cortègi de milions de mòrts; virus vengut en familha se ne cresèm los degalhs faches pels variants, indian o pas, apareguts un pauc pertot, que se cargan encara mai viste que l’original.
Fa gaireben mai d’un an e mièg que sa venguda a capvirat lo planeta e influenciat la politica dels estats.
Per se’n téner pas qu’a las democracias occidentalas, avèm vist nàisser e se desvolopar de tendéncias populistas dins mai d’un país. Venguèron pas ex nihilo de segur mas lo dangièr sanitari, un còp reconegut, permetèt als governaires de prene decisions sens consultar los còrses intermediaris al nom de l’urgéncia!
Me sembla que França es un exemple representatiu, quitament en Euròpa. Seriá la continuitat de l’excepcion francesa!
Monarquia republicana, bonapartisme, centralizacion… los vocables son nombroses per enauçar nòstre particularisme. Tanlèu elegit, lo president sap que pòt garir las escròlas; tanlèu elegits, los representants nacionals qu’an un pauc d’ambicion sabon que lor dever es d’èsser ont lo poder se tròba, es a dire a París per çò que París es França!
Aqueste virus a permés al president que, tre la debuta, prometèt d’exerçar una governança jupiteriana, de o far vertadièrament. Aguèt pas jamai de consideracion per las assembladas nacionalas ni tanpauc pels presidents de region o pels cònsols…
Nòstre Jupiter gallicus es un adèpte de la relacion dirècte amb los ciutadans. Sens imitar lo defunt Chàvez (Veneçuela) e sas intervencions regularas e longassas sul fenestron o l’èx-president Trump e sas declaracions suls “faches alternatius”, nostre president convoquèt assembladas de ciutadans tirats al sòrt, las faguèt trabalhar, lor passèt de pomada… e ne faguèt a son sicap!
Amb la venguda del virus, seguiguèt per un temps las preconizacions d’un Conselh scientific en ignorant los elegits e, la setmana passada, decidiguèt coma un grand d’impausar lo passapòrt sanitari per gaireben tota activitat de la vida vidanta.
Sabi que repàpii mas la vida democratica d’un país se mercandeja pas a tròces si que non seriá escrich dins la Constitucion…
Disi pas que lo president a tòrt o rason mas ven de far un pas de mai cap a un gestion autoritària del país…
Vertat es que Sarközy aviá mostrat lo camin a l’epòca e que la modificacion de las regions per Hollande foguèt pas un modèl…
Ja jupiterian, lo president vendriá “caudillèsc”?…
O gausi pas pensar mas qui auriá pensat que l’èx-no 45, en los Estats Units, seriá temptat per un còp d’estat?
Ne soi convençut desempuèi un brave brieu mas ai totjorn pensat qu’èra una causa senon importanta almens normala de conéisser l’anar del mond a mens de causir de viure una vida d’ermita.
Fa ja qualques meses que la novèla màger es lo virus vengut de l’Èst luenhenc e son cortègi de milions de mòrts; virus vengut en familha se ne cresèm los degalhs faches pels variants, indian o pas, apareguts un pauc pertot, que se cargan encara mai viste que l’original.
Fa gaireben mai d’un an e mièg que sa venguda a capvirat lo planeta e influenciat la politica dels estats.
Per se’n téner pas qu’a las democracias occidentalas, avèm vist nàisser e se desvolopar de tendéncias populistas dins mai d’un país. Venguèron pas ex nihilo de segur mas lo dangièr sanitari, un còp reconegut, permetèt als governaires de prene decisions sens consultar los còrses intermediaris al nom de l’urgéncia!
Me sembla que França es un exemple representatiu, quitament en Euròpa. Seriá la continuitat de l’excepcion francesa!
Monarquia republicana, bonapartisme, centralizacion… los vocables son nombroses per enauçar nòstre particularisme. Tanlèu elegit, lo president sap que pòt garir las escròlas; tanlèu elegits, los representants nacionals qu’an un pauc d’ambicion sabon que lor dever es d’èsser ont lo poder se tròba, es a dire a París per çò que París es França!
Aqueste virus a permés al president que, tre la debuta, prometèt d’exerçar una governança jupiteriana, de o far vertadièrament. Aguèt pas jamai de consideracion per las assembladas nacionalas ni tanpauc pels presidents de region o pels cònsols…
Nòstre Jupiter gallicus es un adèpte de la relacion dirècte amb los ciutadans. Sens imitar lo defunt Chàvez (Veneçuela) e sas intervencions regularas e longassas sul fenestron o l’èx-president Trump e sas declaracions suls “faches alternatius”, nostre president convoquèt assembladas de ciutadans tirats al sòrt, las faguèt trabalhar, lor passèt de pomada… e ne faguèt a son sicap!
Amb la venguda del virus, seguiguèt per un temps las preconizacions d’un Conselh scientific en ignorant los elegits e, la setmana passada, decidiguèt coma un grand d’impausar lo passapòrt sanitari per gaireben tota activitat de la vida vidanta.
Sabi que repàpii mas la vida democratica d’un país se mercandeja pas a tròces si que non seriá escrich dins la Constitucion…
Disi pas que lo president a tòrt o rason mas ven de far un pas de mai cap a un gestion autoritària del país…
Vertat es que Sarközy aviá mostrat lo camin a l’epòca e que la modificacion de las regions per Hollande foguèt pas un modèl…
Ja jupiterian, lo president vendriá “caudillèsc”?…
O gausi pas pensar mas qui auriá pensat que l’èx-no 45, en los Estats Units, seriá temptat per un còp d’estat?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Ailàs, pòdi far pas que qualques remarcas e mas lecturas son pas que dins una premsa venduda als interesses particulars dins las qualques lengas que pòdi legir
ai pas vòstra sciéncia que me fa veire clar quand legissi vòstras remarcas
Qui a empeschat Andriu de Gavaudan de s'opausar pus fermament a la montada de l'autoratisme dempuei la 5ème Republica?
Qui a empeschat Andriu de Gavaudan de se procurar los discors de Trump e de Chavez pus leu que se mocat?
Qui empescha Andriu de Gavaudan d'anar veire çò que se passa e se dich dins las manifestacions contre lo pass sanitari, que los fenestrons son totjorn a en minimisar lo nombre e la portada?
Qui empescha Andriu de Gavaudan de s'interessar au dossier medicau e aus medecins, scientifics que son pas d'accòrd emben lo governament? Parla, parla, parla mas benleu es temps d'arrestar la dictatura.
La dictatura es pas solament sanitari, es pas per un sol pais; es mondial.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari