Me damno! Ai denembrat Vilanòva dau panèl sobran! Aquela comuna a tanben una frontiera mai lònja de temps amb França. Frontiera amb Aurent, parròquia abandonaa de Braus 04, Entre Forchas (IGN Cime de Fourchias, toponime toscanofrancizat) e Sangaris. Vequí un autre panèl a la fin finala de l'ancian chamin. Denans que la rota actuala sia facha en 1882 la rota fasia lo torn d'una buta, au pè de l'ostal mai vièlh per entrar en lo masatge dau costat dau forn (bastit en 1773, primiera data). Ai totjorn ausit rota e pas chamin. Un serre es una còla doas o très còups mai larga qu'espessa ont es estat soventa fes bastit una mòta chastrala coma lo Serre pròche de la gleisa qu'èra la cort bassa dau chastèl. Las Vertuts son una classa tras superiora d'àngels, ben sobre los arcàngels, serafins, eça. L'oratòri (oraor poiriam dire) es ligat amb la fèsta - diu, si ditz qu'era consacrat a la Familha Santa. Coma es ren de Sant Joan lo Baptista en Casternòu, e que la gleisa en Barèls, d'autre costat de Barlata e Santa Elisabèt, me sio pensat qu'es benlèu dau Baptista.  

(De seguir)