Opinion
Al servici de l’umanitat
Tèxte legit
Los laboratòris Pfizer e Moderna an aumentat lo prètz del vaccin anti-covid respectivament de 23% e de13%. La O.N.G. OXFAM remarca que lo prètz d’una dòsa representava ja 4 o 24 còps lo còst de produccion. Mas, respondon los laboratòris, i cal ajustar lo còst de la recèrca, dels ensages, de la distribucion... e lo de la proprietat intellectuala, e justifican aquela aumentacion pel trabalh qu’a demandat l’adaptacion del vaccin als variants novèls.
L’universitària Natalia Coutinet, tròba que lo pagament del progrès justifica pas aquela nauça de 25%, e que, de tot biais, l’aumentacion foguèt desvelada en abrial, plan abans l’aparicion d’aqueles variants; de mai, ajusta l’universitària, quand una produccion aumenta, lo còst baissa, e doncas una nauça de 25% entraïna 25% de marge.
Las rasons de l’aumentacion son a cercar endacòm mai. Al moment que 70% de la populacion europenca espèra una segonda injeccion, e que se parla d’una tresena a la tardor, los besonhs pujan. La tecnica del vaccin qu’assegura l’immunitat collectiva es mai eficaç que la dels tèsts que fan pas que limitar la propagacion, e lo vaccin representant un còst de 100 èuros per persona contra 133 pels tèstes, Euròpa a causit “la disponibilitat”, valent a dire de pagar mai car que d’autres païses per èsser segura d’aver pron de dòsas e al bon moment. Aital la demanda explòsa e los prètzes flamban, d’autant que los dus laboratòris son en situacion de monopòli.
Es la lei del mercat, nos dison, e las dòsas s’amolonaràn dins los païses que se las pòdon pagar.
Rai se la vaccinacion serà encara mens aisida pels païses de Sud (uèi pas que 2% de la populacion vaccinada). Mas la mondializacion a fait de la Tèrra un grand vilatge, e los païses rics seràn pas immunizats a de bon tant que los paures o seràn pas.
L’universitària Natalia Coutinet, tròba que lo pagament del progrès justifica pas aquela nauça de 25%, e que, de tot biais, l’aumentacion foguèt desvelada en abrial, plan abans l’aparicion d’aqueles variants; de mai, ajusta l’universitària, quand una produccion aumenta, lo còst baissa, e doncas una nauça de 25% entraïna 25% de marge.
Las rasons de l’aumentacion son a cercar endacòm mai. Al moment que 70% de la populacion europenca espèra una segonda injeccion, e que se parla d’una tresena a la tardor, los besonhs pujan. La tecnica del vaccin qu’assegura l’immunitat collectiva es mai eficaç que la dels tèsts que fan pas que limitar la propagacion, e lo vaccin representant un còst de 100 èuros per persona contra 133 pels tèstes, Euròpa a causit “la disponibilitat”, valent a dire de pagar mai car que d’autres païses per èsser segura d’aver pron de dòsas e al bon moment. Aital la demanda explòsa e los prètzes flamban, d’autant que los dus laboratòris son en situacion de monopòli.
Es la lei del mercat, nos dison, e las dòsas s’amolonaràn dins los païses que se las pòdon pagar.
Rai se la vaccinacion serà encara mens aisida pels païses de Sud (uèi pas que 2% de la populacion vaccinada). Mas la mondializacion a fait de la Tèrra un grand vilatge, e los païses rics seràn pas immunizats a de bon tant que los paures o seràn pas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Uros los paubres que seran pas vacinats; malauros los riches que seran vaccinats que la vaccinacion es mas una messonja per instaurar la terror e enrichir los que fabrican vaccins e medicaments.
Sei anat l'autre jorn au CHU de Limotges. Aqui, l'òm commença a veire de las infirmieras defòra que fumava lòrs clòpes alaidonc que dins los visitors i avia pas de cigaretas.
Perqué an entassat tant de monde, tant de veituras dins un esspaci tant petialet?
Perqué daus cerbère a l'entrada? Dempuei quand l'ospitau fai d las discriminacions entre los vaccinats e los non vaccinats? coma au temps daus pestiferats?
Uros los paubres que seran pas vacinats; malauros los riches que seran vaccinats que la vaccinacion es mas una messonja per instaurar la terror e enrichir los que fabrican vaccins e medicaments.
Sei anat l'autre jorn au CHU de Limotges. Aqui, l'òm commença a veire de las infirmieras defòra que fumava lòrs clòpes alaidonc que dins los visitors i avia pas de cigaretas.
Perqué an entassat tant de monde, tant de veituras dins un esspaci tant petialet?
Perqué daus cerbère a l'entrada? Dempuei quand l'ospitau fai d las discriminacions entre los vaccinats e los non vaccinats? coma au temps daus pestiferats?
Uros los paubres que seran pas vacinats; malauros los riches que seran vaccinats que la vaccinacion es mas una messonja per instaurar la terror e enrichir los que fabrican vaccins e medicaments.
Sei anat l'autre jorn au CHU de Limotges. Aqui, l'òm commença a veire de las infirmieras defòra que fumava lòrs clòpes alaidonc que dins los visitors i avia pas de cigaretas.
Perqué an entassat tant de monde, tant de veituras dins un esspaci tant petialet?
Perqué daus cerbère a l'entrada? Dempuei quand l'ospitau fai d las discriminacions entre los vaccinats e los non vaccinats? coma au temps daus pestiferats?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari