Opinion
Pèire Pous
Pèire Pous defuntèt a la fin d’agost. Èra un personatge important e unenc de la cultura occitana e de la cultura tota.
Nascut en 1929 sul planastèl de Saut a Munes, un masatge de la comuna de Redoma, èra un contaire immense.
Amb el es plan coma disiá Hampaté Ba una bibliotèca que desapareis. Lo grand etnològ Daniel Fabre disiá de Pous qu’èra un “individu-monde”, amb una conoissença enciclopedica dau monde rural de son país.
Personatge estranh, de malautiás de joinessa l’avián daissat amb una talha plan pichona, e una votz que semblava irreala. Amb lo temps li èra venguda una cara a la Iòda de la Guerra de las Estelas e semblava un personatge sortit daus contes que disiá.
La conoissença qu’aviá el daus contes èra inagotabla coma un potz sens fons (èra tot bel just son nom!) e pivelava lo monde.
Encontrèt los cercaires afogats de cultura populara das annadas 1970 que descobissián que i aviá encara en çò nòstre de grands contaires amb un saber que veniá “del temps que la bestias parlavan”.
Per astre los magnetofòns cambièron lo biais de collectar: èran pas pus de transcripcions escrichas mas l’oralitat en dinamica dins la lenga dau contaire. E la lenga de Pous èra magistrala.
Passèt la vida tota amb las vacas e a contar, portaire viu dau monde de l’oralitat qu’èra la societat paisana. E a manejar lo conte coma aisina “d’illuminacion dau monde”.
Nascut en 1929 sul planastèl de Saut a Munes, un masatge de la comuna de Redoma, èra un contaire immense.
Amb el es plan coma disiá Hampaté Ba una bibliotèca que desapareis. Lo grand etnològ Daniel Fabre disiá de Pous qu’èra un “individu-monde”, amb una conoissença enciclopedica dau monde rural de son país.
Personatge estranh, de malautiás de joinessa l’avián daissat amb una talha plan pichona, e una votz que semblava irreala. Amb lo temps li èra venguda una cara a la Iòda de la Guerra de las Estelas e semblava un personatge sortit daus contes que disiá.
La conoissença qu’aviá el daus contes èra inagotabla coma un potz sens fons (èra tot bel just son nom!) e pivelava lo monde.
Encontrèt los cercaires afogats de cultura populara das annadas 1970 que descobissián que i aviá encara en çò nòstre de grands contaires amb un saber que veniá “del temps que la bestias parlavan”.
Per astre los magnetofòns cambièron lo biais de collectar: èran pas pus de transcripcions escrichas mas l’oralitat en dinamica dins la lenga dau contaire. E la lenga de Pous èra magistrala.
Passèt la vida tota amb las vacas e a contar, portaire viu dau monde de l’oralitat qu’èra la societat paisana. E a manejar lo conte coma aisina “d’illuminacion dau monde”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercés per aqueste article!
Que coneishi Pèire Pous mei que mei peu son ròtle dens lo film L'Orsalhèr e per las videos de la cadena de Terric Lausa e que m'agrada hèra la soa faiçon de contar. I a autes documents d'eth disponible sus internet o dens las bonas librarias e mediatècas?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari