Opinion
Ladies and gentlemen, welcome to the Cluster Club
Qui pòt estar dens lo cap d’un capministre?
La gestion d’un Estat es quicòm de complicat, solide, e la multiplicacion deus interèsses de totis la pòt hèr vàder a còps suberrealista. N’am ací un exemple.
Emmanuel Macron avèva prometut que n’i auré pas jamés d’obligacion vaccinala e doncas se pòt pas desdíser, quitament se politician es lo sol mestièr on se pòt díser quicòm e son contrari tra l’endeman. Segon una enquista, 70% deus poblants de l’Estat francés serén favorables ad aquesta obligacion. Quan sabèm qu’a la debuta de la campanha de vaccinacion, 60% èran pas decidits de’s hèr vaccinar, vesèm plan lo poder de la “fabrica de consetiment” a l’òbra o, d’autes diserén, d’una bona campanha pedagogica.
De tot biaish, la decision de cambiar de “passaclau sanitari” a “passaclau vaccinau” a un costat suberrealista qu’escapèc pas a daubuns. Vaquí perdequé:
Dambe lo passaclau sanitari, podèvan entrar dens un lòc public duas menas de monde:
Los nonvaccinats testats, segurs d’estar pas portaire deu virus
Los vaccinats, benlèu portaires deu virus
La logica, en cas de dangèr per la populacion (es pas lo cas, lo taus de reproduccion es a 1,19, a baishar dempuèi una setmana) seré de demandar a cadun qui vòu entrar de’s testar.
E ben lo govèrn a decidit lo contrari, es a díser d’interdíser l’entrada aus que son segurs d’estar pas portaires deu virus, e de deishar entrar los qu’ac son benlèu.
Çò de mès susprenent, es que lo medish govèrn aconselha a cadun de’s hèr testar au moment de las hèstas familialas de cap d’an. Qui pòt vertadèrament estar dens lo cap d’un capministre?
Aquò significa ensajar d’impausar una obligacion vaccinala sense d’ac díser o de l’avoar.
En tot saber que la campanha de vaccinacion a tocat una resulta de mès de 90%, mes que l’efèit desirat es pas obtengut, comprengui pas perqué s’encapborrir a voler aténher los 100%, quan vesèm que Gibraltar es arribat ad aqueste taus e le caloc tornar se barrar i a pauc.
Holanda, de son costat, a maugrat de son bon taus de vaccinacion, es lo purmèr país europenc a’s tornar embarrar. Guadelopa, lo sol departament francés dambe Maiòta a demorar devath lo taus de contaminacion de 50/1 000. 000 estatjants, a un taus de vaccinacion fòrça baish.
Doncas caleré que govèrn francés “tornèsse espiar sa copia” com se ditz, se virèsse meslèu de cap a una politica de suenh, mes quan coneishètz los tipes, “es pas ganhat”, com se ditz tanben …
La gestion d’un Estat es quicòm de complicat, solide, e la multiplicacion deus interèsses de totis la pòt hèr vàder a còps suberrealista. N’am ací un exemple.
Emmanuel Macron avèva prometut que n’i auré pas jamés d’obligacion vaccinala e doncas se pòt pas desdíser, quitament se politician es lo sol mestièr on se pòt díser quicòm e son contrari tra l’endeman. Segon una enquista, 70% deus poblants de l’Estat francés serén favorables ad aquesta obligacion. Quan sabèm qu’a la debuta de la campanha de vaccinacion, 60% èran pas decidits de’s hèr vaccinar, vesèm plan lo poder de la “fabrica de consetiment” a l’òbra o, d’autes diserén, d’una bona campanha pedagogica.
De tot biaish, la decision de cambiar de “passaclau sanitari” a “passaclau vaccinau” a un costat suberrealista qu’escapèc pas a daubuns. Vaquí perdequé:
Dambe lo passaclau sanitari, podèvan entrar dens un lòc public duas menas de monde:
Los nonvaccinats testats, segurs d’estar pas portaire deu virus
Los vaccinats, benlèu portaires deu virus
La logica, en cas de dangèr per la populacion (es pas lo cas, lo taus de reproduccion es a 1,19, a baishar dempuèi una setmana) seré de demandar a cadun qui vòu entrar de’s testar.
E ben lo govèrn a decidit lo contrari, es a díser d’interdíser l’entrada aus que son segurs d’estar pas portaires deu virus, e de deishar entrar los qu’ac son benlèu.
Çò de mès susprenent, es que lo medish govèrn aconselha a cadun de’s hèr testar au moment de las hèstas familialas de cap d’an. Qui pòt vertadèrament estar dens lo cap d’un capministre?
Aquò significa ensajar d’impausar una obligacion vaccinala sense d’ac díser o de l’avoar.
En tot saber que la campanha de vaccinacion a tocat una resulta de mès de 90%, mes que l’efèit desirat es pas obtengut, comprengui pas perqué s’encapborrir a voler aténher los 100%, quan vesèm que Gibraltar es arribat ad aqueste taus e le caloc tornar se barrar i a pauc.
Holanda, de son costat, a maugrat de son bon taus de vaccinacion, es lo purmèr país europenc a’s tornar embarrar. Guadelopa, lo sol departament francés dambe Maiòta a demorar devath lo taus de contaminacion de 50/1 000. 000 estatjants, a un taus de vaccinacion fòrça baish.
Doncas caleré que govèrn francés “tornèsse espiar sa copia” com se ditz, se virèsse meslèu de cap a una politica de suenh, mes quan coneishètz los tipes, “es pas ganhat”, com se ditz tanben …
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Osca, Joan-Marc !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari