Fa gaireben dos ans vos parlèri del projècte Common Voice. L’idèa es de construire una font liura per un motor de reconeissença vocala, per quina lenga que siá. Se posiciona coma una alternativa sens tòca lucrativa als grands grops estatsunidencs que provesisson los assistents vocals. Lo problèma d’aqueles espions domesticats es que son destinats sonque a las grandas comunitats linguisticas. Podèm veire la relacion entre nombre de locutors e disponibilitats dels donadors de voses. L’occitan es una lenga dicha pauca dotada, mas aquò empachariá pas sos locutors d’èsser iperactius. Mas cal parlar moneda, las grandas comunitats foguèron pas bastidas perque l’idèa d’un universalisme toquèt al còr los umans, non, se construguèron amb la colonizacion. Aquò fa qu’una entrepresa mondiala pòt pagar gaireben res un francofòn d’Africa per picar çò que l’assistent a captat per entraïnar lo sistèma. Los trabalhadors del clic, lo apelem. Mai prèp de nosautres, i a ofèrtas d’emplec pels francofòns que vivon en Polonha, Romania o Irlanda. Lo capitalisme al servici de las grandas lengas en brèu. Un autre factor qu’alonha l’occitan de las grandas lengas es l’Union Europèa. Las lengas oficialas de l’Union Europèa gausan de traduccions sistematicas de mantun tèxt, tèxtes liurament consultables e que pòdon servir coma basas de trabalh per l’entraïnament de motors de traduccion automatica qu’emplegan de còrpus parallèls.
 
Tornem a Common Voice. Una rason que lo Congrès Permanent de la lenga occitana causissètz pas Common Voice per son esplech de reconeissença es que permetiá pas de destriar entre los dialèctes. Ara la situacion es diferenta, la fondacion Mozilla publiquèt un article per explicar que prenguèron en compte los comentaris de las comunautats lingüisticas per melhorar lor aisina. Per èsser mai inclusiu prepausan ara de causir d’apondre a son perfil una informacion sul dialècte per citar sonque un cambiament.
 
Vos tòrni donar las etapas per contribuir a Common Voice:
   
Aprèp aver passat mantuna ora a traduire lo site, un aprèp-miègjorn a dos, foguèron fòrtament decebut del fracàs de constituir un còrpus e pr’aquò participarai pas mai a aqueste projècte tan bèl que siá.