Opinion
Com reconéisher una provocacion?
I avoc, i a pauc, imatges susprenents de violéncia de cap a elegits pendent manifestacions contra lo passaclau sanitari, puèi vaccinau. Mostradas com exemples de miaças per la democracia, aquestas scènas s’ameritan una pichona analisi.
Lo purmèr elegit en question se sona Stéphane Clairveaux e es deputat LREM de San-Pèire e Miquelon. Se pòt véser de pè a costat de la pòrta de son ostau, en haut de l’escalèr, en tot se recéber suu cap lamon lançat peus manifestants. Demorèc on èra, ensagèc pas de huéger. Debarrèc de son empont e, un moment mès tard, quauqu’un le tirèc la masqueta.
Lo dusau se sona Romain Grau e es deputat LREM de Catalonha-nòrd, enchafrada “Pirenèus-orientaus”. Se trobèc per carrèra dabans sa permanéncia fàcia aus manifestants. Un vesin, haut de dus mètres, le vengoc emparar de son impausanta carradura mes a un moment honhèc un manifestant, çò qu’avoc coma consequéncia d’esmalir la horrèra encara mès. L’elegit receboc un o dus trucs sus la cara.
Perdequé cresi qu’aquò son provocacions? Per las rasons seguentas:
Quan i a una manifestacion per carrèra, es que i a colèra. Una manifestacion es pas una passejada de santat e es generalament lo darrèr recors de quauqu’un qu’a pas autes mejans de’s hèr enténer e testimoniar de l’injustícia de la quala se sentís victima. Atencion, disi pas qu’an automaticament rason, benlèu qu’an tòrt, disi simplament qu’una manifestacion es un signe de colèra populara.
La colèra de manifestants es totjorn dirigida de cap a quicòm o quauqu’un. Per una persona qu’es lo simbòlo de la causa de la malícia, se mostrar suu trajècte deu passacarrèra es pas innocent, es evident que’s va pas passar de plan. Pr’amor?
D’un centenat de personas, podèm pensar qu’i a totjorn dus o tres que son violents, es a díser que pensan que los problèmas se règlan a la castanha o que pòden pas demorar calmes. Se parlarà totjorn d’eths, e non pas deus autes 97% o 98%.
Romain Grau digoc que vengoc “per parlar dambe los manifestants”. Parlar de qué? La lei èra dejà votada. Les perpausar de tirar la lei? Las personas que’s sentissen enganadas an pas enveja de charrar e los dus o tres de cent que son violents se sentiràn provocats. Atau estoc hèit.
Aquò pòt pas que remembrar l’istòria d’Alan Finkelkraut que, l’endeman d’aver hèit paréisher un article contra los Gilets Jaunes (lavetz que’us avèva sostenguts a la debuta), se muishèc suu trepader au moment quan passava una manifestacion … deus Gilets Jaunes. Lavetz que milierats passèn sense de’u ren díser, un pichon grop, le vengoc caçar en tot cridar, e au bèth miei se trobèc un tipe qu’uglèc una frasa que’s podèva qualificar d’antisemita. E cris e crac, lo conde èra acabat, “los Gilets Jaunes èran antisemitas”. Lo setmanèr Challenges titolèc: “Gilets Jaunes: Alain Finkelkraut pres dens las urpas de la furor antisemita.”
Es atau (entre autes biashes) que’s manipula la populacion.
Après, i a efectivament un creish de violéncia de cap aus elegits, mes aquò’s una auta istòria (vertadèra, aquesta) dambe d’autas rasons.
Lo purmèr elegit en question se sona Stéphane Clairveaux e es deputat LREM de San-Pèire e Miquelon. Se pòt véser de pè a costat de la pòrta de son ostau, en haut de l’escalèr, en tot se recéber suu cap lamon lançat peus manifestants. Demorèc on èra, ensagèc pas de huéger. Debarrèc de son empont e, un moment mès tard, quauqu’un le tirèc la masqueta.
Lo dusau se sona Romain Grau e es deputat LREM de Catalonha-nòrd, enchafrada “Pirenèus-orientaus”. Se trobèc per carrèra dabans sa permanéncia fàcia aus manifestants. Un vesin, haut de dus mètres, le vengoc emparar de son impausanta carradura mes a un moment honhèc un manifestant, çò qu’avoc coma consequéncia d’esmalir la horrèra encara mès. L’elegit receboc un o dus trucs sus la cara.
Perdequé cresi qu’aquò son provocacions? Per las rasons seguentas:
Quan i a una manifestacion per carrèra, es que i a colèra. Una manifestacion es pas una passejada de santat e es generalament lo darrèr recors de quauqu’un qu’a pas autes mejans de’s hèr enténer e testimoniar de l’injustícia de la quala se sentís victima. Atencion, disi pas qu’an automaticament rason, benlèu qu’an tòrt, disi simplament qu’una manifestacion es un signe de colèra populara.
La colèra de manifestants es totjorn dirigida de cap a quicòm o quauqu’un. Per una persona qu’es lo simbòlo de la causa de la malícia, se mostrar suu trajècte deu passacarrèra es pas innocent, es evident que’s va pas passar de plan. Pr’amor?
D’un centenat de personas, podèm pensar qu’i a totjorn dus o tres que son violents, es a díser que pensan que los problèmas se règlan a la castanha o que pòden pas demorar calmes. Se parlarà totjorn d’eths, e non pas deus autes 97% o 98%.
Romain Grau digoc que vengoc “per parlar dambe los manifestants”. Parlar de qué? La lei èra dejà votada. Les perpausar de tirar la lei? Las personas que’s sentissen enganadas an pas enveja de charrar e los dus o tres de cent que son violents se sentiràn provocats. Atau estoc hèit.
Aquò pòt pas que remembrar l’istòria d’Alan Finkelkraut que, l’endeman d’aver hèit paréisher un article contra los Gilets Jaunes (lavetz que’us avèva sostenguts a la debuta), se muishèc suu trepader au moment quan passava una manifestacion … deus Gilets Jaunes. Lavetz que milierats passèn sense de’u ren díser, un pichon grop, le vengoc caçar en tot cridar, e au bèth miei se trobèc un tipe qu’uglèc una frasa que’s podèva qualificar d’antisemita. E cris e crac, lo conde èra acabat, “los Gilets Jaunes èran antisemitas”. Lo setmanèr Challenges titolèc: “Gilets Jaunes: Alain Finkelkraut pres dens las urpas de la furor antisemita.”
Es atau (entre autes biashes) que’s manipula la populacion.
Après, i a efectivament un creish de violéncia de cap aus elegits, mes aquò’s una auta istòria (vertadèra, aquesta) dambe d’autas rasons.
Je condamne fermement cette nouvelle attaque contre ma permanence, la tentative d'intimidation et les violences commises contre @guillemgervilla, notre voisin et moi.
— Romain Grau (@RomainGrau) January 22, 2022
Rien ne m'empêchera de continuer à agir au service des perpignanais et des Français !pic.twitter.com/4ZdYqpiqnv
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Principi de reversibilitat de la responsabilitat, en cas d'imprudència o de provocacion.
Subjècte de filosofia.
"A!, s'o es anat quèrre!"
Dictatura escricha ton nom que si sei pas conscient que renhas, pòde pas chantar libertat.
De las gens dins lo monde occitaniste e al alhors an una nauta idéia de la politica. Mas, per far de la politica chau se botar sos lo parapluje d'un parti politica o mediatic, loquau se bota sos lo paraplue d'un miiardairi qu'obeit a una ponhada de riches qu'an una fortuna mai granda que 99% dau reste de la populacion. L'estat se bota sos lo parapluja d 'un estat mai grand per çò qu'es de securitat militari.
Aitau tot lo monde a perdegut son independenca, sa libertat de pensar. Li damora mas daus brejos a se botar sos la dent .
Plan segur que la democracia avança pas, mesme si i a de mai en mai de monde a la reclamar. Avem una consciença e un còr que nos dich de fach çò que l'òm ame. E ben fasam una societat, d'amor, de soladiritat, d'entraida Quand aquela ideia sera dins lo còr d'una bona partida de la populacion, alaidonc las causas cambarian. Mas, avem fach par nòstra pensada un egregore negatiu, nurit de paurs, de cerchar un salvador pus leu que de far fisança a nostre còr.
#1 Solide, as rason, de tot biaish son pas lo monde qu'an cambiat mes una situacion e un contèxte que hèn pujar la tension. E sense de dobte un sistèma "representatiu" qu'a pas evoluït lavetz que las mentalitats an progressat de cap a quicòm de mès democratic.
« Après, i a efectivament un creish de violéncia de cap aus elegits » per amor que i un creis de violéncia de cap als electors, que tornan la cortesiá espontanèament. Lo violeéncia mai granda contra los electors es de lor fotre pel morre una politica de dreitassa coma la de Hollande, quand an votat, revottat e tornat votar de seguida per enfin tornar a una politica d'esquèrra coma la de l'ancian Conselh Nacional de la Resisténcia…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari