Opinion
La cara de la Republica
Lo 20 de Julhet de 2018, Emanuel Macron desvelava la siá Marianna que deviá representar la Republica suls sagèls, lo temps del siu mandat. La siá causida s’èra portada sus un imatge de Iseul Digan, que segon lo President maridava «la referéncia de la boneta frigiana e la libertat de la cabeladura. Marianna l’engatjada, la nòva cara de la Republica».
Ça que la lo retrach faguèt pas l’unanimitat. «Lo pel destacat fa pas una feminista; las presas de posicion del president son pas en adeqüacion ambe l’imatge», repoteguèron unas ciutadanas.
Uèi, a la velha de l’eleccion presidenciala e de la causida d’una nòva representacion de la Marianna pel President venent, tres artistas prepausan de ne crear una a partir de milierats de fòtos de Francesas, mercés a l’ intelligéncia artificiala. «Abans la causissián per la plastica, totjorn lo meteis perfil seleccionat sens demandar lo vejaire del monde». Aqueste còp “las femnas balharián quicòm d’elas meteissas per crear un simbòl republican”.
Pariatge de voler representar una Marianna que, a l’encòp, totas las femnas s’i pòscan reconéisser dins la siá diversitat e que encarne la Republica. En efècte, al sortir de la crisi sanitària, l’estilizacion del retrach serà pas aisida a partir de caras sorisentas, trionfantas de las que n’an pas patit, e de las que, aclapadas per las dificultats de l’existéncia e lo mesprètz, fan la pòta e baissan lo cap.
Per se venjar d’aquela dificultat, òm poiriá benlèu realizar un retrach de las doas caras, coma lo del diu Janús de l’antiquitat: una optimista, raiant de l’esper en un monde melhor, revèrt de las valors de la Republica, l’autra trista, cridant la devisa republicana trepejada.
E aital totas las ciutadanas e totes los ciutadans i poirián aderir.
Ça que la lo retrach faguèt pas l’unanimitat. «Lo pel destacat fa pas una feminista; las presas de posicion del president son pas en adeqüacion ambe l’imatge», repoteguèron unas ciutadanas.
Uèi, a la velha de l’eleccion presidenciala e de la causida d’una nòva representacion de la Marianna pel President venent, tres artistas prepausan de ne crear una a partir de milierats de fòtos de Francesas, mercés a l’ intelligéncia artificiala. «Abans la causissián per la plastica, totjorn lo meteis perfil seleccionat sens demandar lo vejaire del monde». Aqueste còp “las femnas balharián quicòm d’elas meteissas per crear un simbòl republican”.
Pariatge de voler representar una Marianna que, a l’encòp, totas las femnas s’i pòscan reconéisser dins la siá diversitat e que encarne la Republica. En efècte, al sortir de la crisi sanitària, l’estilizacion del retrach serà pas aisida a partir de caras sorisentas, trionfantas de las que n’an pas patit, e de las que, aclapadas per las dificultats de l’existéncia e lo mesprètz, fan la pòta e baissan lo cap.
Per se venjar d’aquela dificultat, òm poiriá benlèu realizar un retrach de las doas caras, coma lo del diu Janús de l’antiquitat: una optimista, raiant de l’esper en un monde melhor, revèrt de las valors de la Republica, l’autra trista, cridant la devisa republicana trepejada.
E aital totas las ciutadanas e totes los ciutadans i poirián aderir.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari