Dau temps qu’ero conselher municipau, ai demandat que de charrieras e plaças de Gap prènin un nom occitan. Çò que fuguec validat. Es per aquò qu’un trentenau de charrieras e de plaças pòrtan un nom occitan a Gap. (aviam fach la mema chausa a Veynes a la demanda dau conse dau moment). Es possible, per los estajants, de se faire adreiçar lo corrier en occitan, mai aquò a pas passat. Me sembla que l-i a que l’Espaci Occitan que se lo fai adreiçar ‘‘charriera de l’Estampariá’’.
 
Poiriáu te parlar pereu de la creacion dau Rescontre Gapian, de l’Association de développement de l’Alpin d’Oc, du Collectif occitan, de l’action menée auprès du Conseil Départemental e de tot çò qu’ai escrich per la lenga que chaliá d’espleches sus lo plan pedagogique.
 
Vaquí, ma chaminaa per l’Occitan. Aüra, coma siáu arribat a un temps pron avançat, penso que vau passar la man de mai en mai. Espero solament que la grana mandaa prendrà de raices per lontemps.