Opinion
Cabestanh: reünion publica per las presidencialas
Dimars 15 de març a 18h30 se tendrà a dins la sala Nelson MANDELA, Avenguda de la Republica a Cabestanh dins l’Erau, una reünion publica dels sostens de l’Union Populara que presenta Joan-Luc Mélenchon a las presidencialas.
Aquesta reünion serà l’ocasion de presentar la vision politica del programa politic l’“Avenidor en Comun” e quitament sus la vision de las politicas internacionalas, de la gestion de l’inflacion e del besonh de blocar los prètzes dels produches essencials.
Tanben se presentarà l’objectiu de refargar nòstra republica amb una assemblada constitucionala qu’aurà coma trabalh de definir una novèla constitucion.
La constitucion es un ensemble de règlas de dreits que foguèt evocada per primier cop dins la Declaracion dels dreits de l’òme e del ciutadan, dins son article 16 e que foguèt publicada lo 26 d’agost de 1789. Aqueste tèxte recampa los dreits de caduna e las composicions estatalas e la forma de govèrn del país. Tanben especifica las modalitats de seleccion dels encargats (deputats, senators, cònsols, elegits de recampament de comunas...) que siá per vòte universal dirècte, indirècte, nominacion per una persona elegida o non, las modalitats de convocacion de referendum popular o non e tot aquò.
Après las 7000 personas acampadas a l’Arena sud de França a Peròus, los meetings locals a Bordèu e a Seta lo 9 de març, los militants remembran als ciutadans que cal votar dins qualques setmanas.
L’Union populara es dins una dinamica similara a la de 2017 amb una intencion de sufragi del 13%, per ara e lo president-candidat es creditat de 30%.
Vos esperem nombroses a aquesta reünion.
Aquesta reünion serà l’ocasion de presentar la vision politica del programa politic l’“Avenidor en Comun” e quitament sus la vision de las politicas internacionalas, de la gestion de l’inflacion e del besonh de blocar los prètzes dels produches essencials.
Tanben se presentarà l’objectiu de refargar nòstra republica amb una assemblada constitucionala qu’aurà coma trabalh de definir una novèla constitucion.
La constitucion es un ensemble de règlas de dreits que foguèt evocada per primier cop dins la Declaracion dels dreits de l’òme e del ciutadan, dins son article 16 e que foguèt publicada lo 26 d’agost de 1789. Aqueste tèxte recampa los dreits de caduna e las composicions estatalas e la forma de govèrn del país. Tanben especifica las modalitats de seleccion dels encargats (deputats, senators, cònsols, elegits de recampament de comunas...) que siá per vòte universal dirècte, indirècte, nominacion per una persona elegida o non, las modalitats de convocacion de referendum popular o non e tot aquò.
Après las 7000 personas acampadas a l’Arena sud de França a Peròus, los meetings locals a Bordèu e a Seta lo 9 de març, los militants remembran als ciutadans que cal votar dins qualques setmanas.
L’Union populara es dins una dinamica similara a la de 2017 amb una intencion de sufragi del 13%, per ara e lo president-candidat es creditat de 30%.
Vos esperem nombroses a aquesta reünion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7 Ieu crese aus actes, pas a las promessas electoralas.
Se votará pas per lo programa de "L'Union Populaire", mai per un candidat, per una persona.
Soliá, Mitterand ( que Melenchón venèra ) escriguèt un libre remirable per criticar lo foncionament de la cinquena republca en còp d'estat permanent ... e un còp elegit eissublèt sos escrits e faguèt coma los autres.
Pensatz que Melenchón aplicariá son programa s'èra elegit? Trobariá puslèu de pretèxtes per dire qu'es empaitat per los grands capitalistas o per l'imperialisme american e qu'es ben obljat lo paure, maugrat sa volontat, de remandar a mai tard tala o tala disposicion de son programa.
M'es aviaire que la societat qu'un partit o moviment politic vòu bastir es prefigurada per l'organizacion intèrna d'aqueste partit. E sembla ben que la LFI es tot garat un partit democratic. Es çò qu'an dit las personas que l'an quitat, e entremièg aquelas personas i a las doás qu'escriguèron son programa de 2017 ( que demòra la basa de son programa actuau.)
PS Siái pas un reacionari de dreita. Siái d'acòrdi ambé las grandas opcions economicas e socialas de la LFI, siái d'acòrdi per lo posicion sus lo nucleari ( regdament mens sus las question internacionalas e la complasença passada per Potin e autres dictators ), mai ai gis de fisança en la persona de Melenchón per aparar tot çò qu' arregarda las libertats e siái occitanista.
Belèu farai un article dins un pauc de temps per tractar la question dau liame entre Occitanisme e Melenchon (Pas la persona mai la votacion per eu), mai faurria començar de melhorar vòstrei criticas se lo volètz atacar...
Atacar sa volontat jacobina o nacionalista seria pertinent s'auria la capacitat de modificar la constitucion que nos es ja tant marrida, o s'èra eu qu'auria d'escriure la constitucion nova. Alora que dins lei règles ja tratadas, la redaccion de la Constitucion seria facha per d'elegits nòus e d'elegidas novas sensa possibilitat de se presentar ais eleccions venentas. E mai amb una part de tiratge au sòrt dins la populacion segon l'opcion chausida per lei gents au referendom. Valent a dire que l'opinion de Melenchon es pas important.
Fau arrestar d'aguer un fantasma de la votacion. Jamai balharà de cambiaments sociaus màger. Pasmens, pòu melhorar de situacions e la fau veire coma estrategica. Aici, se pòu aisadament veire l'estrategia de tornar escriure la Constitucion que nos es tant marrida...
Se pòu votar per Melenchon sensa que nos agrada, per ieu es mon cas, l'aborrissi a respèct de sa posicion sus nòstrei lengas que ditz "pas en perilh". Pasmens votarai per eu.
Car es estrategic, car siau pas solet sus la Tèrra, e qu'avèm un molon de chantiers de faire, que serà mai aisat de luchar sota una Republica mai democratica, e tot aquò...
#2 Questions als seguidors d' aquel arlèri de Melenchón , filh de fonciònaris pichons (paire recebedor de la Pòsta e maire regenta) poguèt amolonar aquel patrimòni ? Cal creire que la politica rapòrta plan ! Dins la 6ena republica del Melenchón, los policards recebràn salaris en rapòrt ambe lo salari méjan de la populacion francesa (i comprès los minitres) e i aurà una mesura per limitar los mandats a un sòl ?
O benlèu, lo Melenchón, per justificar aquel patrimòni, a ganhat al Loto. Dins aquel cas, per transparéncia cal o dire als electors !
#1 mai qui defenda las lengas minorisadas dins aquelas eleccions ? Degun cresi.
Ne pensetz pas que ne sera jamai un trabalh d estat d ajudar nostras lengas mai de comuna et de departament ?
#2 precision : Melenchón s'escriu ambe un accent agut sus la "o" e pas sus la primera "e" per respectar la grafia espanhola d'aquel nom d'ostal.
Mercés
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari