Las chifras vertadièras... Totas aqueslas chifras son interessantas. Mas un còp aquò dich, soi pas d'acòrdi per prendre en compte los que se son pas marcat sus las listas electoralas. Aqueles an lo drech tanben de marcar que se foton completament de la politica (al mens tala coma lor prepausam de participar). Es lo cas tanben d'una part dels abstencionistas. Cal respectar lo monde que n'an pas res a batre e pas interpretar lor silenci.
Sul demai, lo tipe de sufragi es evidentament enganaire (totes o son d'un biais). Lo jutjament majoritari seria benlèu mai juste, mas pel moment pas de bon far: mesa en òbra malaisida e contròle ciutadan encara encara mai malaisit.
Las questions que cal pausar per una democracia apasimada son: cossi bastir lo consensus (o puslèu de majoritats largas), cossi equilibrar los poders (per se parar de la dictatura de la majoritat!).

#3 La vaccination obligatoria es l'avenir uros de los rasetaires que seran nominat "Vaxinator".

Coma de costuma d’aquesta passa s’entemena la dansa del seduziment per las legislativas e cadun d’i anar de sa frasòta melicósa, o dardanta. Cadun pausa sos paissèls long del corril que nos menarà al paradis.

Avèm ja ‘tendut :

Siás ma vida

Tos uèlhs me fan tornar viure los jorns d’un còp èra
M’an ensenhat a regantar lo passat e sas nhafraduras
Çò que visquèri enant que to uèlhs me veson
Es una vida perduda, cossi la me pòdon comptar
Siás ma vida que lo matin n’a començat ambe ton lum.

Quant de ma vida fusquèc perduda de badas enant tu
O mon plan aimat quant de ma vida fusquèc perduda
Sens que mon còr vesèssa una gaug pas qu’una
Tastant dins la vida que l’amarum de tas nhafraduras
Començi sonqu’ara d’aimar ma vida
Començi sonqu’ara a contratemer que la vida s’escapa.

Totas las gaugs que ma ment dezirava enant tu
Mon còr e ma razon las an trobadas en tu
O amor de mon còr, ò tu que siá mai car que ma quita vida
Cossi aguèssi pas encontrat ton amor mai lèu.

Las dolçòs nuèchs lo chaple e l’amor
Dempuèi temps mon còr los portavan per tu
Taste ambe iò aquel amor, taste grun per grun
Del single de tendrum de mon còr que lo chaple per tu n’a que tròp estat.

Balha tos uèlhs que dins lo mond viatjan mos uèlhs
Balha tas mans que dins lor tocar se pausan ma mans
Ven mon plan aimat, aquò sufís de çò qu’avèm mancat
9ò qu’ai viscut enant que ton uèlhs te veson
Es pas una vida perduda, cossi la me pòdon comptar
Siás ma vida que lo matin ne començèc ambe ton lum.

O tu que siás mai car que mos jorns
O tu que siás mai len que mos sòmis
Pren me ambe ton tendrum, pren me
D’aquel mons traslonha me
Luènc luènc tu e iò
Luènc luènc sols
Ambe l’amor se despertan la nòstrras jornadas
Ame lo chaple s’adromissan las nòstras nuèchs

De per tu me soi tornada amigalhar ambe la vida
De per tu ai perdonat al temps
Ma fachas doblida los malastres meus
E ambe tu ai doblidat lo grineza
Tos uèlhs me tornan va viure los jorns d’un còp èra
M’an ensenhat de regantar lo passat e las nhafraduras
Çò que visquèri enant que to uèlhs me veson
Es sonqu’una vida perduda cossi la me pòdon comptar.


E atal la corala virada cap a Macron (lo new president) que canta a flimpe de cap aquèla cançon d’amor.


Ondrada per la cantaira turca Linet, lo titòl n’es « Intra Omri » es una cançon egipciana.

Per la cantar

https://www.youtube.com/watch?v=sGVPuBzubh0


Per la dansar

https://www.youtube.com/watch?v=OuOabbrEjBA

Acarat a una societat fracturada coma jamai vist, lo chinchon de l’Alís aurà d’aduire emprezas economicas màgeras mentre aquela dosena rasclada. Dins un emmòtle d’alssada de l’inflacion e de la guèrra en Ucraina que nos vira braste las cadenas mondialas d’acalonjament, subretot per çò qu’es de la transicion ecologica, li caldrà aparar lo poder de crompa dels francés se parar d’un represa del caumatge e de reduzir las despensas publicas e de contunhar de tornar industrializar frança (la part de l’industria dins nòstra PIB es de pus o mens 10%, mentre que los autrís valents son a 20%).

Aquò fa tròp a l’encòp, l’ande se restringís de jorn en jorn, cavarà un briu mai lo deficit, ambe los taus d’interest que pujan per nos endeuta un briu mai… entrò lo desfalt de pagament (maissanta limonada per nosaus).

Chinchon : joventa plan menuda
Alís : elysée d’apèi fredò la cisampa (Mistral) e vèsi pas perqué fariam retiple del francés ambe Elisèu)
Ande : marge d’apèi fredò la cisampa (lo meteis que çai sus qu’es de Malhana)
Rasclada : emplegat per las malautiás ( aguèc enquèra una rasclada (rechute))

Aimi plan de me jogar atal

#3

Per l’ora dos noms son a ponger a l’asuèlh :

Julien De Normandie (ex ministre de l’agricultura), e Elisabeth Borne (ex ministra del trabalh)