Dos còps per an se dobrís la campanha de l’Unicode Consortium per integrar mai de traduccions e especificitats de las lengas del monde. Tocant l’occitan, la distribucion de las donadas de nòstra lenga es en espèra de contributors e actors per validar las proposicions fachas. Aquelas donadas van del nom dels païses, continents, territòris, meses, jorns, de las lengas, de las règlas gramaticalas pel plural a la descripcion de las emoji. Per aquelas darrièras sembla mai un exercici de trobada de sinonimes. Per cada emoji cal prepausar un mot, o mot compausat, e una lista de sinonimes.
 
Las campanhas per apondre de contengut duran un mes e un autre mes per las validacions.
 
Amb aqueste article vòli convidar lo monde qu’es d’acòrdi per consacrar 10 minutas a la lenga, o d’oras! La campanha comença aqueste setmana. Ai causit de vos parlar de las emoji pr’amor que me sembla çò mai simple. Vos meti en illustracion una captura de l’interfàcia per vos far una idèa.