Opinion
«Res es pas jamai aquesit a l’Òme…»
Poirian tornar escriure aquel vers d’Arago, cantat per Brassens, en disent … a l’òme ni a la femna tanpauc!
A còps, aimariam que la Tèrra s’arestèsse de virar o que las agulhas dels relòtges n’avent lor confle de la corsa fòla que los Òmes lor fan menar se pausan a de bon!
Me donèssi la pena de furgar un pauc, trobariái dins las cançons e los libres la descripcion dels eveniments que vivèm al moment present. Seriá l’escasença benlèu de lançar un jòc demest los legeires deJornalet.com, un jòc sens prèmi, sonque pel plaser mas coma sèm totes o gaireben a seguir l’adagi:«Ges de moneda ges de bedèl!» soi pas segur qu’aquò marchariá.
Euròpa, la vièlha Euròpa, tant aimada dels toristas estatsunidencs, se pensava a l’acès de la violéncia guerrièra quitament se i aguèt, dins los Balkans per exemple, mantuns chaples desempuèi la segonda guèrra mondiala. Mas un òme qu’a pas jamai engolit l’abausament de l’empèri dins lo qual èra nascut, en digne eiretièr dels satrapas de la Granda Russia, decidiguèt de los tornar imitar. A l’entorn de l’an 2000, envasiguèt qualques principats —reconeguts per l’ONU ça que la— qu’avián agut l’audàcia de se separar de l’Empèri en descomposicion. Quand vegèt la quita indiferéncia e l’inercia de de las poténcias europèas d’un còp èra, se faguèt mai audaciós e se’n prenguèt a Crimèa (ucraïniana) en prenent coma pretèxte qu’èran mond que parlavan rus: Cujus regio, ejus religio.
Après tot, França —es pas soleta— tenguèt autres còps un rasonament identic e contunha anuèit çò que d’unes dison un genocidi liguïstic.
Cal pas creire que la vida de las autras parts del planeta es pas qu’un riu longàs e sens problèmas: l’Orient pròche, coneissèm ailas, l’Orient extrèm amb China e lo tonton Xi e Índia e lo BJP, las Filipinas e lo filh del satrapa Marcos… La lista, la vos daissi establir mas vos demandi de doblidar pas que gaireben totes los dictadors en plaça foguèron causits siá pel partit (China) siá pel pòble avant de començar lor aprendissatge de dictador!
Dictaduras o, per lo mens, regims illiberals segon la terminologia en cors… Lo títol çai-sus anonciava mon pensament màger: de qual costat los Estas Units corron la risca de cabussar quand vesèm las consequéncias de la mandatura del no 45, que metèt en plaça pendent quatre ans una ideologia de las messorgas e del complòt amb l’ajuda dels elèits republicans — elegits o pas —, dels movements e organizacions faissistas e del mèdia coma Fox News; ideologia relaiada sus las rets socialas legidas o agachadas per milions e milions de gents.
Lo tèrratremol de la setmana passada foguèt provocat per la decision de la Cort suprèma estatsunidenca de revocar un arrèst, pres cinquanta ans a, per d’autres jutges d’aquesta meteissa Cort a prepaus de l’avortament.
Per far cort, los jutges de la majoritat ultraconservatritz —tres nommats pel no 45— venon de tornar als estats (des)units çò qu’èra dempuèi cinquanta ans un afar federal. Autanlèu un vintenat d’estats an suprimit la possibilitat d’avortar per las femnas… Pareis que los òmes son pas concernits!
Aquela decision ne va suscitar d’autras per çò que los movements conservators van redoblar d’agressivitat cap a la Cort per li demandar d’anr mai luènh dins la «moralizacion» de las societat estatsunidenca…
Vesèm çò que China fa amb las tecnologias modèrnas… Se los Estats Units tòrnon prene lo poder complèt en 2024, podèm crentar que la susvelhança de las vidas personalas ja plan avançada se rapròche de la faiçon de far dels Chineses.
E nosautres, mon bon mossieu? Las «avançadas civilisacionalas» estatsunidencas metián un quinzenat d’ans avant de traversar la Mar granda mas, ara, amb l’apetença de nòstres elèits… e del pòble per la causa estatsunidenca, l’escart se redusirà un pauc mai e poiràm totes cantar:
Res es pas jamai aquesit a l’Òme… ni a l’òme ni a la femna! e acabar per France, douce France…
A còps, aimariam que la Tèrra s’arestèsse de virar o que las agulhas dels relòtges n’avent lor confle de la corsa fòla que los Òmes lor fan menar se pausan a de bon!
Me donèssi la pena de furgar un pauc, trobariái dins las cançons e los libres la descripcion dels eveniments que vivèm al moment present. Seriá l’escasença benlèu de lançar un jòc demest los legeires deJornalet.com, un jòc sens prèmi, sonque pel plaser mas coma sèm totes o gaireben a seguir l’adagi:«Ges de moneda ges de bedèl!» soi pas segur qu’aquò marchariá.
Euròpa, la vièlha Euròpa, tant aimada dels toristas estatsunidencs, se pensava a l’acès de la violéncia guerrièra quitament se i aguèt, dins los Balkans per exemple, mantuns chaples desempuèi la segonda guèrra mondiala. Mas un òme qu’a pas jamai engolit l’abausament de l’empèri dins lo qual èra nascut, en digne eiretièr dels satrapas de la Granda Russia, decidiguèt de los tornar imitar. A l’entorn de l’an 2000, envasiguèt qualques principats —reconeguts per l’ONU ça que la— qu’avián agut l’audàcia de se separar de l’Empèri en descomposicion. Quand vegèt la quita indiferéncia e l’inercia de de las poténcias europèas d’un còp èra, se faguèt mai audaciós e se’n prenguèt a Crimèa (ucraïniana) en prenent coma pretèxte qu’èran mond que parlavan rus: Cujus regio, ejus religio.
Après tot, França —es pas soleta— tenguèt autres còps un rasonament identic e contunha anuèit çò que d’unes dison un genocidi liguïstic.
Cal pas creire que la vida de las autras parts del planeta es pas qu’un riu longàs e sens problèmas: l’Orient pròche, coneissèm ailas, l’Orient extrèm amb China e lo tonton Xi e Índia e lo BJP, las Filipinas e lo filh del satrapa Marcos… La lista, la vos daissi establir mas vos demandi de doblidar pas que gaireben totes los dictadors en plaça foguèron causits siá pel partit (China) siá pel pòble avant de començar lor aprendissatge de dictador!
Dictaduras o, per lo mens, regims illiberals segon la terminologia en cors… Lo títol çai-sus anonciava mon pensament màger: de qual costat los Estas Units corron la risca de cabussar quand vesèm las consequéncias de la mandatura del no 45, que metèt en plaça pendent quatre ans una ideologia de las messorgas e del complòt amb l’ajuda dels elèits republicans — elegits o pas —, dels movements e organizacions faissistas e del mèdia coma Fox News; ideologia relaiada sus las rets socialas legidas o agachadas per milions e milions de gents.
Lo tèrratremol de la setmana passada foguèt provocat per la decision de la Cort suprèma estatsunidenca de revocar un arrèst, pres cinquanta ans a, per d’autres jutges d’aquesta meteissa Cort a prepaus de l’avortament.
Per far cort, los jutges de la majoritat ultraconservatritz —tres nommats pel no 45— venon de tornar als estats (des)units çò qu’èra dempuèi cinquanta ans un afar federal. Autanlèu un vintenat d’estats an suprimit la possibilitat d’avortar per las femnas… Pareis que los òmes son pas concernits!
Aquela decision ne va suscitar d’autras per çò que los movements conservators van redoblar d’agressivitat cap a la Cort per li demandar d’anr mai luènh dins la «moralizacion» de las societat estatsunidenca…
Vesèm çò que China fa amb las tecnologias modèrnas… Se los Estats Units tòrnon prene lo poder complèt en 2024, podèm crentar que la susvelhança de las vidas personalas ja plan avançada se rapròche de la faiçon de far dels Chineses.
E nosautres, mon bon mossieu? Las «avançadas civilisacionalas» estatsunidencas metián un quinzenat d’ans avant de traversar la Mar granda mas, ara, amb l’apetença de nòstres elèits… e del pòble per la causa estatsunidenca, l’escart se redusirà un pauc mai e poiràm totes cantar:
Res es pas jamai aquesit a l’Òme… ni a l’òme ni a la femna! e acabar per France, douce France…
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Majoritat ultraconservatritz"
Quand se tracta de far virar la ròda de l'istòria en rèire, se ditz de reaccion.
Una majoritat de reaccionaris, que òc.
Si l'òm pensa que la majoritat daus dirigeants de tots los estats son liures e ben l'òm se trompa. Son dependents de los qu'an de l'argent que s'apelan Rockfeller o Rotschild o autre. Los estats dependents de la ponhada de las familhas las pus richas que ganhan tertant coma la resta de la populacion. Tots los estats occidentaus son endetats a far paur.
Aquelas familhas an creat un monde per lo servir. La Revolucion Industrielle lòr permettet de far de grandas multinacionalas que son sos lòr contòli, un sisteme social que podia far passar la pilula, una recercha que lòr obeissian tot en interdisant tot autra recercha alternativa, daus medias directament sos lòr contròli, un sistem medicau que pròna la vaccinacion e lo medicament chimic, daus politics ciussonats,e coromputs, una tecnologia que privilegia lo contròli tecnic....
Per far sa Revolucion et prener lo poder en Russia, Lenine aguet besonh de l'adjuda de la Finança e la Finança li dictet sa politica. Aitau los partits comunistes, pertot ente an prengut lo poder son dependents d'aquela finança. Lo partit comuniste chines es una brancha d'aquela finança internacionala.
Faça a d'aquò i a una resistenca dins tots los pais plan catadas que tots los medias los mai influents son lo pòrta paraula d'aquela finança. Aquel sistem pren l'aiga de tots los biais .la Resistença a deja ganhat.
Prenetz aquel article coma voletz mas reflechissatz un pauç.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari