Opinion
Dens la publicitat tanben i a mòdas
Coma ac disèvan Jacques Lendrevie e Bernard Brochand dins lor líber consacrat au subjècte Le Publicitor (Dalloz, 1991), la reclama es "ni una sciéncia, ni un art", mes demòra pròcha de la propaganda, de la quala a manlhevat los metòdis, e a còps los quites especialistas.
La publicitat ensaja de pertocar l’esperit deu mès gran nombre de personas en tot utilizar la sociologia e la psicologia. Lavetz, s’es basada sus estudis de massa deu compòrtament uman, se pòt comprénguer que las medishas enquistas van balhar las medishas resultas e una tendéncia generala va paréisher.
Solide, mes mès qu’aquò, se vei clarament que se pòden trobar mòdas de publicitaris que’s copian e qu’utilizan los medishas utisses per ensajar de convéncer lo public.
Se cadun se bremba la famosa reclama Hollywood chewing-gum de las annadas 70, lavetz se bremba tanben de la seria de publicitats qu’an seguit, on se muishava tanben un gropàs de joens apelhats haut o baish en hippies e que s’amusavan en libertat, de preferéncia a l’entorn d’un huec de nueit. La tòca èra benlèu tanben de tornar brembar lo filmòt de Hollywood coma una referéncia.
Mes ara, en 2022, quinas son las tendéncias deus reclamaires? En tot observar de plan, se pòt trobar:
A la television, l’omnipreséncia dens los clips publicitaris d’una hemna, joena, bèra, lo pèu cresput e la cara metissa. S’es pas una hemna joena, trobaratz lavetz un dròlle metís dambe sons pairs, un blanc, l’aute néguer. Aquò pertòca gaireben la mitat deus "espòts" presents au hinestron. *
Trobaratz tanben la representacion de la vida de quauqu’un en unas secondas, de sa naishença dinc a son edat adulta (l’edat de consumidor), acompanhada d’una musiqueta charmantòta, e que narra lèu sons rapòrts dambe son pair o sa mair. Pro esmavent. Un element (gèste, objècte) seguirà l’istòria de la debuta dinc a la fin coma una mena de hiu rotge.
A la ràdio, los messatges devath la fòrma d’un pichon raconte: "Vaquí Joan. Joan es content uèi. Joan a trobat un abonament a XXX per sonque XXX euros. Es per aquò que Joan es content …" tot aquò suu hons sonòre d’una shiulotejada gaujosa d’aqueste Joan, qu’es plan content, ac atz comprés.
Puèi, uèi lo dia, s’ausís sovent un dialògue entre un òme e una hemna. Ren de fòrça extraordinari, levat que lo tipe es un colhon e la hemna intelligenta, es era que l’expliqua quicòm que cau hèr que, eth, coneishèva pas. Una mena d’inversion de çò que’s hasèva abans.
Atz remercat un visuau a la mòda ongan? Un desgradat de colors entre lo blau e lo rotge. Tot comencèc per la navèra "apelhada visuala" de Messenger, la messatgeria de FaceBook, e una brava part deus publicitaris se’n inspirèn, en començar per aqueste que creèc la campanha … deu candidat comunista Fabien Roussel a la presidenciala.
Benlèu que la publictat es una disciplina on la copia es permesa per tradicion. O lavetz qu’i a un nombre de publicitaris fòrça redusit e son los medishes qu’utilizan las medishas recèptas.
Çò de solide, es qu’aquò fonciona plan, vists los 16 miliards d’euros despensats sonque en França per l’annada 2021 en sola reclama.
La publicitat ensaja de pertocar l’esperit deu mès gran nombre de personas en tot utilizar la sociologia e la psicologia. Lavetz, s’es basada sus estudis de massa deu compòrtament uman, se pòt comprénguer que las medishas enquistas van balhar las medishas resultas e una tendéncia generala va paréisher.
Solide, mes mès qu’aquò, se vei clarament que se pòden trobar mòdas de publicitaris que’s copian e qu’utilizan los medishas utisses per ensajar de convéncer lo public.
Se cadun se bremba la famosa reclama Hollywood chewing-gum de las annadas 70, lavetz se bremba tanben de la seria de publicitats qu’an seguit, on se muishava tanben un gropàs de joens apelhats haut o baish en hippies e que s’amusavan en libertat, de preferéncia a l’entorn d’un huec de nueit. La tòca èra benlèu tanben de tornar brembar lo filmòt de Hollywood coma una referéncia.
Mes ara, en 2022, quinas son las tendéncias deus reclamaires? En tot observar de plan, se pòt trobar:
A la television, l’omnipreséncia dens los clips publicitaris d’una hemna, joena, bèra, lo pèu cresput e la cara metissa. S’es pas una hemna joena, trobaratz lavetz un dròlle metís dambe sons pairs, un blanc, l’aute néguer. Aquò pertòca gaireben la mitat deus "espòts" presents au hinestron. *
Trobaratz tanben la representacion de la vida de quauqu’un en unas secondas, de sa naishença dinc a son edat adulta (l’edat de consumidor), acompanhada d’una musiqueta charmantòta, e que narra lèu sons rapòrts dambe son pair o sa mair. Pro esmavent. Un element (gèste, objècte) seguirà l’istòria de la debuta dinc a la fin coma una mena de hiu rotge.
A la ràdio, los messatges devath la fòrma d’un pichon raconte: "Vaquí Joan. Joan es content uèi. Joan a trobat un abonament a XXX per sonque XXX euros. Es per aquò que Joan es content …" tot aquò suu hons sonòre d’una shiulotejada gaujosa d’aqueste Joan, qu’es plan content, ac atz comprés.
Puèi, uèi lo dia, s’ausís sovent un dialògue entre un òme e una hemna. Ren de fòrça extraordinari, levat que lo tipe es un colhon e la hemna intelligenta, es era que l’expliqua quicòm que cau hèr que, eth, coneishèva pas. Una mena d’inversion de çò que’s hasèva abans.
Atz remercat un visuau a la mòda ongan? Un desgradat de colors entre lo blau e lo rotge. Tot comencèc per la navèra "apelhada visuala" de Messenger, la messatgeria de FaceBook, e una brava part deus publicitaris se’n inspirèn, en començar per aqueste que creèc la campanha … deu candidat comunista Fabien Roussel a la presidenciala.
Benlèu que la publictat es una disciplina on la copia es permesa per tradicion. O lavetz qu’i a un nombre de publicitaris fòrça redusit e son los medishes qu’utilizan las medishas recèptas.
Çò de solide, es qu’aquò fonciona plan, vists los 16 miliards d’euros despensats sonque en França per l’annada 2021 en sola reclama.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Aqueste tèxte es pas un estudi apregondit sus la publicitat mes lo constat de quauqu'un que l'espia sense de n'estar un especialista. Parli deu sentit deu public e pas de la tòca deus publicitaires, que seré la dauna de mens de cinquanta ans responsabla de las crompas a casa.
Èi remercat la preséncia de la joena metissa dens una proporcion fòrta, èi pas estudiat la publicitat per ne balhar l'explic tecnic o psicologic. Es pas mon perpaus.
Alara OK per parlar de la publicitat...
Mas manca de prigondor... Tot es dich sens justificacion, cap de chifra...
Parlatz de color sens evocar la significacion del blau qu'es la fisança... Utilizat d'a pertot en linha.
parlatz de mòdas sens dire se las reclamas seguisson la mòdas o ensajan s'imposar la mòda.
damatge damatge
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari