Aquesta nuech pòio pas dormir. Quora Estiene avia lo pichon servici assegurava la correspondença per Casternòu. Nos esperava a l’arribaa dau car de Niça e nos montava fin en vilatge, chacharrant dau país. Mas un jorn fuguèt informat que dau jorn a l’endeman n’avia pus lo servici. Totun avia pagat quor’avia près lo servici. Mas la Region avia près los Transpòrts a la Demanda (TAD) au Departament e avia passat un mercat. Despí, manco de correspondença per anar au mieu.. La naveta parte de Casternòu a l’ora ont lo car de Niça parte de Guilhermes! Chal ben 20 minutes per faire lo trajècte! E lo sera manco de naveta. Chal trobar cu es en Casternòu E cu pòl nos camalar, pi telefonar au TAD per La naveta lo mars o lo jòus de matin per completar las corsas en “vila”. E poièm manco manjar quauquaren, perqué chal montar denans de miègjorn 30! Me’n parlètz pas dau còup de telefòne! Me manjan tot lo prefach, chal esperar de numerosas minutas pi quora avètz chausit l’ora de la calaa, aquela de la montaa es tròup pròcha. E chal partir mai d’ora...