Leon Còrdas naissèt a Sira en lo 1913. En 1917, après la mòrt dal paire partit al front per la Primiera Guèrra Mondiala, la familha s'installèt a Menèrba. En lo 1929 comencèt de s'ocupar de la proprietat familhala e trabalhèt las vinhas fins al 1952. Es famós per la sieu escritura en occitan. Comencèt quora avia quinze ans gràcias a la lectura de revistas felibrencas. En 1934, dal temps dal servici militar conoissèt de figuras dal reviscòl literari occitan de Montpelhier coma Max Roqueta e Pèire Azemà, director de la revista Calendau. Venguèt un collaborador dal jornal Occitania, e comencèt a militar al Partit Occitan, que ne'n venguèt pi lo delegat a "la propaganda païsana". Escriguèt e editèt en lo 1946 un recuèlh de poèmas Aquarèla, en lo 1949 publiquèt lo sieu primier roman Sèt pans. En lo 1969, trabalhèt per lo Centre Dramatic nacional de Lengadòc Rosselhon e participèt a la realizacion d'un dals primiers films en occitan: l'Orsalhèr de Joan Flechet.

Son enfant, Michel Còrdas, naissèt lo 25 de novembre dal 1945 a Sira dins Erau. Comedian francés, egalament autor, meteire en scèna de teatre e actor. Arribat a París, coma ben d'autres, per ganhar d'autor sus la situacion, es qualque temps institutor pi segue los corses dal TNP.

En abril dal 1969, comença al CDN Lengadòc-Rosselhon / Teatre del Miègjorn. Contunha dins la descentralizacion e l'accion culturala dins divèrsas estructuras: MC de Châlons de Sòna, Comèdia de La Rochèla... En 1972, es engatjat a la Comèdia de Lorena a Nancí ont rèsta uèch ans.

En 1991 se fixa dins Erau ont contunha lo trabalh d'actor e de meteire en scèna dins divèrses espectacles e fa de numerosas lecturas sus divèrses tèmas, autors o personatges. Escriu e mete en scèna Coop Epopée, Le Moulin du Falhet e Espanhòl d'aquí. Aquel darrier espectacle produch per lo Teatre de la Rampe e creat en 2003 es jugat fins en 2018 dins tota la region Occitània. Escriu egalament Jean Moulin, la Conscience Rebelle e Le Prêcheur des platanes.

Dins sas pèças, tracta de tèmas socials (la revòlta, la cooperativa, l'exòdi rural o encara l'immigracion) o mai filosoficas (la quista de l'amor...). Dins la sieu escritura coma dins sas mesas en scèna recerca un teatre popular, evocant de problèmas universals tals que son viscuts dins la cultura de l'espaci occitan.
Per aquò, utiliza de còups que i a l'occitan -soleta lenga dins la quala son paire, li parlèt-  coma lo castilhan.

Parier en mai de las divèrsas activitats al teatre, comença en lo 1984 una carriera d'actor de cinèma e de television. Vira dins onze films de cinèma e quaranta dos films de television. Despí lo 2004, incarna lo personatge emblematic de "Roland Marci" dins Plus belle la vie, lo barier de la begüa "Le Mistral" sus la fictiva plaça centrala de la seria. I juga un ròtle de " marselhés de servici " amb un accent occitan (lengadocian) e qu'es un dals rares ròtles de l'aver, per una seria se passant totun a... Marselha.




Referéncias: https://oc.wikipedia.org/wiki/Leon_Còrdas