Lo Cristo s'arrestèt en la Ribiera (francizat en La Ribière). Quora la naveta, en lo Clòt d'Ilion après l'estòp dangeirós prenguèt lo chamin de Vilanòva per anar cerchar una dama a Sant Martin, e que per un còup menavo pas, ai comprés perqué mon paire me disia que la rota de Casternòu es estaa facha denant aquela de Guilhermes. E tanben perqué passava pas per los Trucs, sensa minga virants (lacets) e au solelh. De Casternòu son au mens très chamins per s'encalar en Barlata bassa: lo chamin dals forns (de gip), la chamin de la Portissòla, e lo chamin qu'es devengut aquel dals "lacets". Es ja sus la mapa de 1710. Per venir de'n Ribiera en Vilanòva un chamin escarpat per la Lobiera e ren en riba seneca. La N202 es estaa talhaa en las chalanchas per los toristas. Coma lo chamin de Casternòu fins en Barels dau temps de megalitas mas sensa dinamita. Aüra, lo car de Niça s'arrèsta en lo vilar de la Ribiera e passan a n-una naveta, mas an denembrat Casternòu, Lo Sauve e Peunas!  Totas las valaas an de TAD (transpòrt a la demanda) matin e après disnar mas aquí que lo matin!