Lo mes passat vos parlèri del trabalh del grop Meta a prepaus de las lengas e lor objectiu de prepausar una traduccion automatica entre 200 lengas. Botèron lor trabalh jos licénjcia liura e donèron a la fondacion Wikimedia jlos modèls que permeton la traduccion automatica.
 
Vos prepausi d’agachar los resultats de la traduccion automatica dins la pèça junta d’aqueste article.
 
Las traduccions cap a l’occitan son d’articles de Wikipèdia d’autres lengas.
 
Pel moment las lengas qu’òm pòt traduire sus Wikipèdia cap a l’occitan son las seguentas:
 
anglés, catalan, espanhòl castelhan, francés e portugués.
 
D’un biais estranh a partir del portugués se pòt sonque traduire cap a l’occitan.
 
Trapatz aquí en fin de pagina los diferents provesidors de traduccion e las combinasons possiblas: https://www.mediawiki.org/wiki/Content_translation/Machine_Translation/MT_Clients
 
Per vos far una idèa podètz tanben consultar lo site https://nllb.metademolab.com/ per legir de contes en version originala e traduch automaticament en occitan.
 
Cal pensar que las traduccions automaticas son sonque d’ajuda per aver l’idèa principala d’un tèxte e de modificacions se devon totjorn realizar sus la traduccion producha.
 
Las linhas rojas venon del verificador ortografic Hunspell per l’occitan, ajuda tanben a trapar las decas.