Quora èro a prendre la D74 e que los obriers fasion lo barri de saucha (sosteniment), lor ai dich que copavon la visibilitat! M'an respondut que los ingenhaires sabion çò que fasion. Despí son estats unos ferits, dos ferits fòrça graves. Alora se son penchats sus la mapa come s'eran en la plana: la nacionala 202 devia aver la prioritat! An fach sus lo liech de Var una plaça pichoneta urosament amb un panel "interdit de s'arrêter" (interdich de s'arrestar), amb un estòp, e la rea blancha rota en ponchets (pointillets). Après an cavat un pauc la chalancha d'amont dau tres cantons per faire esquasi una entraa de bertela sus una autovia.  Biròta ! Mas an mes un estòp a la fin! E la visibilitat es pas pron lònga se ven quauqu'un a setanta kms l'ora. De mai an traçat una rea blancha au mitan de la rota de Casternòu e siátz oblijats de la copar o de montar fin a la placeta de recalar e de traversar la rota pregant tots los dieus e los sants que vengue pas quauqu'un a setanta.