Opinion
Quina avançada!
Quand èri pichonet, dins las annadas seissanta, anavi cercar lo lach a la bòria vesina amb un ferrat en alumini. N’aprofechavi de prener de burre amorosament aprestat per Augustina. Sens oblidar los uòus que la boriaira plegava dins de papièr jornal . Me’n bailava totjorn un de mai. Cada còp aviái drech a a un parelh de bescuèchs “Lu”. Pagavi. Saludavi. En un quart d’ora èra plegat.
Ara vau far las crompas al supermercat. Gari la veitura sul parcatge. Boti la pèça dins la fenda per poder tirar la carretona. Se, per astre, las quatre rodetas viran dins lo meteis sens, buti d’aiseta. Mas s’una rodeta ranqueja, galèri. Quora vòli virar a drecha, la carretona vira a senèstra. Quora vòli virar a senèstra, la carretona vira a drecha!
Arribi a la laissa dels lachs. Disi ben dels lachs pas del lach! Me cal causir entre lach entièr, escremat, mièg escremat, fresc pasterisat, microfiltrat, UHT, crús, biò, non-biò; veire s’es de lach de vaca, de feda, de cabra,... espinchar la composicion, e la data per saber s’es pas passat.
Quora me sarri del burre aquí la frescura me subta. De burre de totas menas m’espèran. Burre crús, salat, mièg salat, leugièr, mai que leugièr, secaròt, fin mai que fin... fargat al país o endacòm mai... Espinchi tanben la composicion e la data per saber s’es pas passat. D’aquel temps la frescor me davala dins l’esquina.
Arribat a las laissas dels uòus, los tròbi encartonats per sièis, dètz , dotze... espinchi la cauquilha per saber d’ont venon. Se son 0 son de galinas en plen aire noiridas biò, 1 caquetejan en plen aire e s’aserban, 2 son elevadas jol solaipi sens anar defòra, 3 son engabiadas. Sabi que per la talha, los uòus son coma los vestits van del S al XL. Causida facha, verifiqui que cada uòu foguèsse pas fendut, asclat. Sens oblidar d’espinchar la data per m’assegurar que sián pas passats.
Quora arribi a la caissa, espèri , espèri aquí coma un chòt . L’òme qu’es davant ieu cerca lo còdi de sa carta blava per poder pagar sa carretassa de pitança. Pagui a mon torn e torni a la veitura amb mon carreton de la rodeta de gingòi.
Descargui. Mèfi als uòus! Vau parcar la carretona, retiri la pèça. Ganhi la veitura e tiri mon camin. Fa mai d’una ora qu’ai quitat l’ostal.
Per una avançada es una avançada! E quina avançada!
Ara vau far las crompas al supermercat. Gari la veitura sul parcatge. Boti la pèça dins la fenda per poder tirar la carretona. Se, per astre, las quatre rodetas viran dins lo meteis sens, buti d’aiseta. Mas s’una rodeta ranqueja, galèri. Quora vòli virar a drecha, la carretona vira a senèstra. Quora vòli virar a senèstra, la carretona vira a drecha!
Arribi a la laissa dels lachs. Disi ben dels lachs pas del lach! Me cal causir entre lach entièr, escremat, mièg escremat, fresc pasterisat, microfiltrat, UHT, crús, biò, non-biò; veire s’es de lach de vaca, de feda, de cabra,... espinchar la composicion, e la data per saber s’es pas passat.
Quora me sarri del burre aquí la frescura me subta. De burre de totas menas m’espèran. Burre crús, salat, mièg salat, leugièr, mai que leugièr, secaròt, fin mai que fin... fargat al país o endacòm mai... Espinchi tanben la composicion e la data per saber s’es pas passat. D’aquel temps la frescor me davala dins l’esquina.
Arribat a las laissas dels uòus, los tròbi encartonats per sièis, dètz , dotze... espinchi la cauquilha per saber d’ont venon. Se son 0 son de galinas en plen aire noiridas biò, 1 caquetejan en plen aire e s’aserban, 2 son elevadas jol solaipi sens anar defòra, 3 son engabiadas. Sabi que per la talha, los uòus son coma los vestits van del S al XL. Causida facha, verifiqui que cada uòu foguèsse pas fendut, asclat. Sens oblidar d’espinchar la data per m’assegurar que sián pas passats.
Quora arribi a la caissa, espèri , espèri aquí coma un chòt . L’òme qu’es davant ieu cerca lo còdi de sa carta blava per poder pagar sa carretassa de pitança. Pagui a mon torn e torni a la veitura amb mon carreton de la rodeta de gingòi.
Descargui. Mèfi als uòus! Vau parcar la carretona, retiri la pèça. Ganhi la veitura e tiri mon camin. Fa mai d’una ora qu’ai quitat l’ostal.
Per una avançada es una avançada! E quina avançada!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mercé a l'Andrieu Clamenç per sos texts que fan a l'encòp rire e soscar !
Una rason mai de venir "vegan" aquel afar !
"Quora vòli virar a drecha, la carretona vira a senèstra. Quora vòli virar a senèstra, la carretona vira a drecha!" Aquò, me sembla qu'es vengut rar. En general, amb los carretons europèus modèrnes, quand vòli virar a dreita, vira a dreita, e quand vòli virar a esquèrra, vira tanben a dreita…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari