Opinion
Lo melhor del melhor
Aqueste an, ma cosina me sovetèt la bona annada per mèl: “Per l’an novèl, te desiri lo melhor!” Coma sabiái pas vertadièrament çò qu’entendiá per “Te desiri lo melhor”, li demandèri. E vaquí la responsa que reçaupèri:
Subtat, faguèri pauseta dins ma legida. E aguèri una pensada esmoguda per totes las personas que vivon dins de païses en guèrra, que son privadas de libertat, que mancan d’amor e d’amistat. Puèi perseguiguèri ma legida:
Aquí deguèri quitar de legir. Èri de mai en mai trebolat. Posquèri pas m’empachar de pensar a totes los malautes, los cercaires de trabalh, los paures, los que dormisson defòra... Butat per la curiositat, contunhèri:
Pausa faguèri. Sosquèri e me pensèri:
A mon torn, vos desiri per 2023 “lo melhor del melhor”!
“— Me demandas de te dire çò que pensi de: “Te desiri lo melhor”.Començarai per “Te desiri”. Te desirar la patz te serviriá en res estent que, per astre e per l’ora, vives dins un país en patz. Te desirar la libertat, te serviriá en res estent que, per astre e per l’ora, amai se pòt totjorn èsser melhorada, vives dins un país de libertat. Te desirar un ramat d’amor te serviriá a res estent que, per astre e per l’ora, ne siás clafit...”
Subtat, faguèri pauseta dins ma legida. E aguèri una pensada esmoguda per totes las personas que vivon dins de païses en guèrra, que son privadas de libertat, que mancan d’amor e d’amistat. Puèi perseguiguèri ma legida:
“— Contunharai per “lo melhor”. Coma te coneissi plan, sabi qu’as una santat de ferre, pel melhor es pas a ta santat que pensi. Coma sabi qu’as un trabalh plan assegurat, una “bona plaça” coma se disiá, pel melhor es pas a ton emplèc que pensi. Seràs pas al caumatge deman de matin. Coma ton trabalh es plan pagat, pel melhor es pas a l’argent que pensi. Per l’ostal me fau pas de lagui, sabi que n’as un, pel melhor es pas a la teulada que pensi. Tot aquò o te desiri pas estent que l’as ja.”
Aquí deguèri quitar de legir. Èri de mai en mai trebolat. Posquèri pas m’empachar de pensar a totes los malautes, los cercaires de trabalh, los paures, los que dormisson defòra... Butat per la curiositat, contunhèri:
“— Alara, çò que te desiri, es “lo melhor del melhor” es a dire l’umor. Coma o sabes, dempuèi dos ans, la vida m’a pas esparnhada. Cada jorn, l’umor m’ajuda a viure. Seriá benlèu mòrta sens el. L’umor se crompa pas, se vend pas, se parteja. Amb el, te fas de ben e fas de ben als autres. Veiràs, amb l’umor, t’enfloriràs la vida e la de tas amigas e amics!”
Pausa faguèri. Sosquèri e me pensèri:
“— L’autre jorn, quora Magalia, ma filha, m’anoncièt que partissiá per tres ans acabar sos estudis en China li diguèri res mas faguèri la bèba. Quora mon filh Estève decidiguèt de laissar son trabalh de mecanician per se’n anar far lo torn del monde li diguèri res mas faguèri lo morre. S’aviái agut poscut partejar un pauc d’umor amb eles, auriái benlèu poscut melhor dormir la nuèch, lo cap mai leugièr e lo còr mens sarrat. Compreni melhor ma cosina quora me desira lo melhor del melhor!”
A mon torn, vos desiri per 2023 “lo melhor del melhor”!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari