Quora lo drollet suava, lo fèrre acierat comencèt de s’eschaudar e de chambiar de color. Coma lo Rojàs trobava que rojeava pas pron lèu, o alora, que era benlèu simplament la fòrça de l’abituda, mandèt un emplastre o dos a son arpeta e lo faguèt sanhar de nas. Lo dròlle mesclèt sas lagrimas a sa sang e accionèt lo bufet de mai en mai. Quora lo metau fuguèt roge ceriesa, los atoms de fèrre n’aguèron verament lor saole (n’avian pron) d’èstre arrengats coma l’Atomnium de Brussèlas, decideron de s’arrengar molament coma d’atoms d’aur o d’argent.
 
Aquò fa mai luxuós.