Opinion
Traças de grafia occitana en Barbonés (III)
Le grafèma, digraf en particular “LH”, se retròba en Barbonés, e se nòta dins quauques cas. Tan de macrotoponimes, noms de comunas per exemplhe coma de microtoponimes, de noms de quartiers.
— Le chastèl de Rilhat (o Rilhac? dur de saber) “Château de Rilhat” segon la forma actuala, sus la comuna de Conhat e Liona (francizat en Cognat-Lyonne).
— Le chastèl de Peufuelhós (forma proposaia) “château de Peufeilhoux” segon la forma actuala, sus la comuna de Valon de Sulli (francizat en Vallon-en-Sully). En occitan de creissent “peu” [pœw] e “fuelhós” segond un de nòstres informators creissentés designa una montanheta plhena d’arbres.
Notar que le nom dau chamin qu’i mena se ditz “Peufelioux” que l’LH es escrich “li”. Forma orala possiblha.
Dins l’espaci d’Auvèrnhe, notar enormament de comunas e toponimes locals en “lh” coma Lubilhac, Chilhac, Senilhac...
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari