Ai chausit Giniés coma pichon nom, nom de baptisme, perqué “Sant” Giniés era manco crestian quora a refusat de senhar l’acte de persecucion d’unos crestians. Coma es estat martirizat per aquela gèsta, simplament umana, la Glèisa l’a dich “sant”! ne’n volio me faire sovetar la fèsta per sa jornaa mas es finda aquela d’un autre “sant” canonizat per la Glèisa d’aver fach tuar de centenas de miliers d’eretics e lors vesins per metre la man sus l’Occitània de l’oest.
 
Quora ai votat a las presidencialas au torn segond ai tengut lo buletin amb de pinças e un peçuganàs sota la masquera. Perqué sabio que ne’n faria un còup parier dau 49.3 bis repetita. N’ai votat que per las estatisticas per compensar los vòtes dals oilitans que son vengut en tant que refugiats mauclimatics.