Adjonhèt fòrça lèu la cima das chalanchas de la Portissòla e sa vista agüa li permetia d’apercebre las chormas de minaires s’avierant amb lors pics e lors bonets cap a las entraas cairaas das minas de coire au mitan das pelitas rojas au dessús das clusas de Daluís, que las chabras avian fach lor òbra. 
 
Eran, en aquela epòca, pas esconduas per la vegetacion.
 
Apercebia las environas d’Ame, que los curats an sonat après en francés Amen, en occitan vivaroaupenc si ditz pas coma en francés.