E vaquí una tièra novèla de proposicions (aprèp los Papieròts del 2 e del 30 de març passat) non pas per clavar la maissa, mas per acabar dignament un conte occitan portaire de tot nòstre patrimòni cultural immaterial: E cric e crac, lo tremol, lo vibre l’a rosegat e lo conte es acabat. E cric e crac, me soi plan regalat e lo conte es acabat. E cric e crac, lo Drac es patrac/espatarrat e lo conte es acabat. E cric e crac, ba legiguèri dins l’Armanac (de Quercòrb/d’Arièja/de Seta) e lo conte es acabat. E cric e crac, l’istòria me la contèt Pachacamac e lo conte es acabat. E cric e crac, de vos contar tot aquò, d’unis me dison/creson fat e lo conte es acabat. E cric e crac, l’ors dins sa tuta es dintrat e lo conte es acabat. E cric e crac, vos ai (pas) vendut de cracas e lo conte es acabat. E clic e clac, li tampèri lo clapet/lo caquet e lo conte es acabat. E cric e crac, me cargui la cravata e lo conte es acabat. E cric e crac, balha-me l’anorac que lo conte es acabat. E cric e crac, monti sul caiac e me’n vau ! E cric e crac, lo vesin es partit e lo conte es finit. E cric e crac, l’arbitre a fiulat e lo conte es acabat. E cric e crac, lo mèrlea fiulat e lo conte es acabat. E cric e crac, l’ortalan a asagat e lo conte es acabat. E cric e crac, ensalada d’arrucats e lo conte es acabat. E cric e crac, abracadabrac abracadabric, lo conte es plan finit. E crac e cric, ai perdut l’esperit e lo conte es finit. E crac e cric,lo lillac a florit e lo conte es finit. E crac e cric, sens un crit, lo conte es finit. E clic e clac, la clau (vira) dins la sarralha e lo conte es clavat. E cric e crac, un còp en 2002 votèri Chirac e lo conte es acabat. E cric e crac, las pèiras son alinhadas a Karnak e lo conte es acabat. E cric e crac, libertat pel pòble kanak e lo conte serà acabat. E cric e crac, crompèri un bib de vin de Carsac, lo beguèri e lo conte es acabat. E cric e crac, al tresen/tretzen còp d’andusac, lo conte serà acabat. A cric e crac, plora la pichona serena de Danamarc e lo conte es acabat. E cric e crac, cossí s’acabèt l’istòria del Mandrake? Per ieu, lo conte es acabat. Abracadabrac-abracadabric, me soi perdut dins aquel bric-a-brac/forbic, cresi plan que lo conte es acabat/finit. E cric e crac, per levar la veitura, me calguèt un cric e lo conte es acabat. (lo mecanician) E cric e crac, s’escapèt lo crabit e lo conte es finit. E cric e crac, passèt un escarabat e lo conte es acabat. E cric e crac, del cèl soi (pas) tombat e lo conte es acabat. E cric e crac, ala fin, soi arribat/sèm arribats e lo conte es acabat. E cric e crac, ai pas res desbrembat; alara,lo conte es acabat. E cric e crac, cal pas faire las crompas al supermercat/a l’ipermercat que lo conte es acabat. E cric e crac, me sentissi patrac, lo conte es acabat. E cric e crac, anirem al patac quand lo conte serà acabat. E cric e crac, tot comptat/contat e rebatut, lo conte es fotut. E cric e crac, me soi enfangat/entraucat e lo conte es acabat. E crac e cric, poiriam anar fins a l’infinit mas aicí lo conte es finit. E cric e crac, podètz demorar bocabadat que/mas lo conte es acabat. Un còp èra, i aurà pas de segond còp e lo conte es acabat,del còp. E cric e crac, podètz prene un comprimit que lo conte es finit. E cric e crac, lo formatge es raspat e lo conte es acabat. E cric e crac, de cerièras lo panierat e lo conte es acabat. E cric e crac, l’uòu es bolit e lo conte es finit. E cric e crac, sièis uòus per la meleta e l’istòria es acabadeta. E cric e crac, anirem totis a Pinsaguèl quand lo conte serà acabat. E cric e crac, lo laurièr a tornat florir elo conte es ( pas) finit. E cric e crac, lo pan es grandalhat e lo conte es acabat. E cric e crac, lo vin es embotelhat/encantinat e lo conte es acabat. E cric e crac, vos balhi/doni comjat que lo conte es acabat. E cric e crac, per esvitar tot malparat, lo conte es acabat. E cric e crac, inutile de prene partitque lo conte es finit. E cric e crac, se son maridats e lo conte es acabat.Pas besonh d’anar al gòlfe d’Aqabàper vos dire que lo conte es acabat. E cric e crac, acima de la còsta, l’ai doblat e lo conte es acabat. La fuèlha mòrta, lo vent l’a emportada e l’istòria es acabada.

CricracròcRoch