Vasta question! Amb de responsas variadas segon los vejaires de cadun...

• Pel filosòf: seriá çò que difèra de la natura.
• Pel sociològ: çò qu’es comun a un grop de personas e lo fa s’amassar.
• Per l’UNESCO: seriá mai totas las nòstras diferéncias que fargan una sèrva comuna.

Mas la Cultura cambia dins l’espaci e dins lo temps.

E la question de uèi: los ligams entre Cultura e Politica?

Una entrevista de Thierry Arcaix, sociològ, que s’afana sus Claret ont se debanarà lèu:

“Salon des livres et des Arts”, lo dissabte 3 de junh de 2023 a Claret (al Nord de Montpellier) que lo tema es: “Rêve?...olution”, nos parla, en fr, sus la web tv de l’Agglo’rieuse del rapòrt sovent ambigu entre cultura e politica.

Nos parla tanben de la cultura locala:

• la cultura populara, mai recreativa?
• e la cultura saberuda? per aprene?
• Lo problèma de las subvencions...

Questions de se pausar:

Quines son los portaires dels projèctes?

La plaça e lo ròtle dels benevòls? Que fan un trabalh titanesca e a gratis!

L’ajuda de la Comuna?

L’independencia de la Cultura? Sa libertat d’accion? En çò nòstre? e dins los países totalitaristes*?

Entrevista/L’Agglo’rieuse: L’invité de la semaine: Thierry Arcaix.

Aqueta entrevista me faguèt pensar a l’Estivada e sos cambiaments per 2023.

Questions: Qui dèu far la causida del contengut cultural d’un eveniment que se debana forçadament dins un luòc municipal.

Cossí destriar los projectes?

• Los finançaments municipals deurián benlèu pas donar als representants politics l’exclusivitat de las causidas culturalas...?

Qué ne pensatz? Cossí se debana dins vòstre canton?

Mercé pel partatge!

De mancar pas sus Claret lo 3 de junh 2023:

e un balèti per acabar amb: Azimut!

*(Caldriá pas doblidar que pendent la periòda “covidesca”, lo virus “politicus”, se passejava dins los cinemas, los teatres, mas pas a l’Amassada nacionala, ni mai dins los burèus electorals! Curiós! Enfin, çò que ne disi ieu!  🙂