Es que se pòt acabar la fin o prene en compte l’infinit de la pensada umana e de la paraula deslargada? Respondrai pas a la question, mas vos farai present d’una quatrena tièra[1] de fins possiblas per vòstres contes.

La vaquí: E cric e crac, soi pas un bandit: vos n’ai pro dit e lo conte es finit. E cric e crac, prenguèt/prenguèri la carta al partit e lo conte es finit. Es lo petit dit que me l’a dit, Pilha-l’ardit, loconte es finit. E crac e cric , pas un crit: avètz l’aire plan estabosit, mas lo conte es finit. E crac e cric, que se revòlte l’oprimit mas, per l’ora, lo conte es finit. Avètz pas de besonh de me pagar un desdit que lo conte es finit. Avètz plan vist/ausitque soi pas un neofit, mas lo conte es finit. E crac e cric, anirem totis al zenit quand lo conte serà finit ees finit. E crac e cric, vos vesi aganits/adalits a esperar lo confit de guit: alara, lo conte es finit. E crac e cric, vos vesi achorrits. Alara, es ora de finir lo conte favorit. E crac e cric, ba legiguèri dins un manuscrit elo conte es finit. E crac e cric, aquò se passèt al Reialme-Unit e lo conte es finish. E crac e cric, lo public s’es desgarnit/endormit e lo conte es finit. E crac e cric, pòdes cantar benaric qu’as pas de pan, qu’as pas de vin e que lo conte es finit. E crac e cric, lo pilòte dintrèt dins lo cocpit e lo conte es finit. E crac e cric, fa freg en (Ant)Arctic e lo conte es finit. E cric e crac, aqueste ivèrn, virarem un western e lo conte s’acabarà. E crac e cric, l’afar es complit e lo conte es finit. Chut-chut, pas un crit (chut-e-mut): lo conte es finit. E crac e cric, conti pas a d’escotaires aconsomits/endormits. E crac e cric, abans de vos véser enferonits, arrèsti de contar aquí/aicí. E crac e cric, per ieu, gardi lo farcit e lo conte es finit. E crac e cric, gaitatz plan l’efemerid: i veiretz que lo conte es finit. Aquel conte l’ausiguèt un paure conscrit de l’an 1810 e, ara, fa plan temps qu’es finit. Aquò èra la vertat vertadièra, pas una istòria travestida, qu’ara es finida. E crac e cric, pòdes fiular reipetit: demoraràs ganhapetit que lo conte es finit. E crac e cric, serètz benlèu entristesits mas lo conte es finit. E crac e cric, pas la pena de jogar als caïds: lo conte es plan finit. E crac e cric, lo piòt/pol es rostit e lo conte es finit. E crac e cric, lo gigant tornèt a l’infinidament petit de l’imaginari e lo conte es finit. E crac e cric, sabi que presiqui ade convertits. Alara, lo conte es finit. E crac e cric, daissatz vòstre aire estabosit que lo conte es plan finit. E crac e cric, tot aquò es patetic e lo conte es finit. E clic e clac, Kodak èra pas un polaroïd, mas/alara lo conte es finit. E crac e cric, de m’escotar, vos esvitèt de montar sul Titanic e lo conte es finit. E cric e crac, l’ora es tardièra, me cal dintrar a ……ac: alara, lo conte es acabat. E crac e cric, en estil romaniceen lenga romana, vos diguèri aqueste presic qu’ara es finit. E crac e cric, lo terraire d’Auvèrnhe es volcanic, la cabreta foguèt cabritelo conte es finit. E crac e cric que siague l’article definit o indefinit, empacharà pas que lo conte siá finit. E crac e cric, lo pronom pòt èsserdefinit o indefinit, mas lo conte es finit. E crac e cric, planmercé d’aver respondut a mon convit, mas lo conte es finit. E crac e cric, arribam a un sens interdit: lo conte es finit. E crac e cric, vos farai pas crèdit: pauròt(a)s, lo conte es finit. E crac e cric, pòt plan dançar lo Joan-Petit qu’ara: lo conte es finit. E crac e cric, lo diable/drac es maudit e lo conte es plan finit. E cric e crac, del diable, soi pas l’avocat e lo conte es acabat. E crac e cric, ai coma un oblit; alara, lo conte es finit. E crac e cric, res es enebit/interdit, mas lo conte es finit. E cric e crac, atal parlèt lo Sant Esperit e lo conte es finit. E craca e crica las flors son botanicas, las besucariás son comicas mas lo conte es finit. E crac e cric,aquò ba legiguèri en sanscrit e lo conte es finit. E crac e cric, lo Drac es un brave satanic, un chic tiranic, mas lo conte es finit. E crac e cric, lo lapin es aluserpit/alusèrnit e lo conte es finit. Trac-tric traca-trica, val mai una formula magica qu’una dòsi d’arsenicelo conte es finit. E crac e cric, lo papeta vièlh aviá un atge canonic elo conte es finit. E cric e crac, lo panièr/lo ferrat es traucat e lo conte es acabat. E cric e crac,aquò advenguèt l’an passat e lo conte es acabat. E cric e crac, “tap tarat taparà pas, tap pas tarat taparà” e lo conte es acabat.

Taponet Roch